Mes da Ciencia nas Bibliotecas: parte 2

 Bo día 

Como vos adiantara na derradeira mesaxe, polo Mes da Ciencia nas Bibliotecas íamos ter máis actividades e vaia se tivemos. O venres todo o colexio pasou en distintas horas polo laboratorio a ver, disfrutar e parender cun experimento sobre a reflexión da luz, empregando un láser, espellos e auga. Os cursos máis altos aprenderon tamén a diferencia entre un láser e unha linterna, así como solucionaron as dúbidas que foron xurdindo. Comezaron algo tímidos e tímidas, pero logo non paraban de preguntar!

E aínda queda algo máis que chegará a semana que ven! (Aínda que non sexa novembro, pero alargámolo 😎).

MINUTOS MUSICAIS!

 

Uxía lambona e a Banda Lambona é un grupo formado por Serghaño, Roscon, Ñoc, Pali, Abraham e Uxía que recollen os clásico populares galegos e dánlle o seu toque particular.

Mes da Ciencia nas Bibliotecas: parte 1

 Boas tardes!

Novembro é o Mes da Ciencias nas Bibliotecas, polo que temos nos corredores unha interesante selección de obras relacionadas con mundo que nos arrodea: hai algúns lixeiros, outros máis densos; algúns cheos de experimentos e outros con explicacións teóricas aos misterios do universo coñecido... Se queres descubrir todo soamente tes que escoller un!

Hai máis! Dentro de pouco comezará un ciclo de experimentos onde todo o colexio participará. Dentro da temáticas "Imos de viaxe!", veremos como funciona o láser e como o podemos empregalo para escoller o destino ao que nos gustaría viaxar... Que tentador!

Por último e non menos importante, celebramos que Arturo Sánchez Cidrás será nomeado fillo adoptivo de Bueu polas súas contribucións. El fora un antigo profesor e gran colaborador da bilbioteca, así que participante do club de lectura. Noraboa Arturo!

MINUTOS MUSICAIS!

 

María Xosé Silvar, máis coñecida como Sés ou SES, nada na Coruña, é unha cantautora galega de orixe bergantiñá.

MINUTOS MUSICAIS!

 

A semana que imos celebrar o Magosto imos entrar ao cole a ritmo de rap co "Rap do Magosto".

MAGOSTO 2024

 O martes 12 de novembro celebramos o Magosto  con xogos e castañas.

Este ano participou con nós na elaboración de xogos a Asociación Corredoiras. Estiveron moi divertidos e moi ben explicados polos usuarios e usuarias polos membros de Corredoiras.

Os equipos estaban formados por nenas e nenos de diferentes idades que ían rotando polas diferentes estacións. Rematamos cunha castañada moi ben asada por membros da ANPA.

MINUTOS MUSICAIS!

 

Os grupos Dakidarria e Nao uníronse baixo o nome Dakidanao para gravar este temazo que leva o nome de "Poñer a vida en proa".