Hoxe, na nosa biblioteca, o alumnado de 5º e 6º de Primaria tiveron a oportunidade de escoitar a José Manuel Rosas, patrón maior da Confraría de Pescadores de Bueu e actual presidente da Federación Provincial de Confrarías de Pontevedra, que se achegou ata o colexio para dar unha interesantísima charla sobre diferentes artes e aparellos de pesca: "Can de navalla","Can de ameixa", "Nasas" ,"Raña", "Pandullo", "Raposa"... foron algúns deles.
Rematou a charla facendo unha defensa en prol do mar e do medio ambiente, así como da importancia do "coidado do noso".
Hoxe tivemos unha actividade no colexio que todos e todas estabamos agardando e que botabamos moito de menos.
Paco Nogueiras, por xentileza da editorial KALANDRAKA, contounos : "O can de Milu", "Selva", "Ratos na escola", "Elmer"e "Quen é ese becho".Todos eles acompañados da música do seu acordeón e do seu ukelele.
Unha fantástica sesión na que todos e todas gozamos escoitando, cantando e aplaudindo ao compás.
Grazas Paco por ser tan divertido e contarnos contos tan fantásticos!!
As nosas benqueridas voluntarias Candela, Neves e Sabela representaron unha adaptación do álbum ilustrado "Necesito un abrazo", escrito e debuxado por Aaron Blabey, editado por Anaya.
Unha historia que nos transmite o verdadeiro valor da amizade e da autoestima.
Mil grazas por compartir con nós estas fermosas historias!
Parabéns polo traballo feito con dedicación e cariño!
Fermoso e poético título para unha "Exposición de escultura" do noso exalumno Ramiro Agulla.
Animámosvos a visitala na Sala de Exposicións Amalia Domínguez en Bueu, durante este mes de marzo.
Xa quedan poucos días!
É un gozo para os sentidos! Observa e escoita moi atentamente durante a túa visita. As formas, os elementos, a música, a luz... forman parte da exposición.
Entras como un espectador... e acabas formando parte deste universo escultórico.
A audición desta semana será a canción de Nil Moliner "TAL VEZ".
Unha canción que invita a reflexionar sobre as inxustizas sociais, as guerras... cunha mensaxe esperanzadora:"Tal vez la vida nos responda con ganas de amar".
O venres 18 de marzo, no parque Joe Novas, representantes do Concello e a comunidade escolar manifestou o seu NON rotundo a todos os conflitos bélicos actuais.
Comezamos pegando mensaxes de paz coa música de John Lennon, as nenas e nenos de 6º escribiron e leron un manifesto e recitaron un poema de Celso Emilio Ferreiro titulado "Irmáus". A continuación gardamos un minuto de silencio en memoria de todas as persoas que sufren as guerras. Rematamos cantando "Los niños queremos la paz".
GRAZAS POR MANIFESTAR O TEU NON Á GUERRA!
A PAZ É O CAMIÑO.
Para rematar a Semana da Prensa, nós tamén fomos noticia en:
Escoitaremos o poema "Dorna" de Manuel María cantado por Uxía Senlle.
Deixámosvos tamén on poema de Celso Emilio Ferreiro"IRMÁUS" interpretado polo grupo Fuxan os Ventos. Este poema é un canto solidario co ser humán de calquera latitude que estea a padecer dor, opresión ou sexa vítima das inxustizas sociais.
Co gallo do Día Internacional da Muller, o alumnado de 6º visitou o Museo Massó para coñecer de preto o seu fondo relacionado co traballo da muller no sector marítimo.
As mulleres galegas afiliadas ao Réxime Especial do Mar é do 67%, seguidas nun segundo lugar polas mulleres vascas.
A presenza da muller é maioritaria no marisqueo, reparación de redes, comercialización e industria conserveira. Intermedia na acuicultura (bateas) e nos equipos biolóxicos. Ínfima na extracción de embarque e entre os armadores.
Visualizaron un vídeo explicativo e visitaron as instalacións do Museo.
O pasado martes 15 de marzo, gozamos no Club de Lectura de Adultos da compañía da escritora Ana Cabaleiro.
Conversamos arredor da súa novela "Deixádenos remar".
Foi un encontro moi divertido no que houbo momentos para as risas e tamén para falar dos noso espazos de vida, da soidade, do Alzheimer, da dignidade das persoas e do respecto á sabedoría popular. Da necesidade de expresar moitas cousas con poucas palabras.
Mil grazas por compartir o teu tempo e o teu espazo!
Iniciamos esta Semana pola Paz e a Tolerancia coa nosa alumna en prácticas Raquel, que nos contou un libro titulado "A coelliña Marcela" de Esther Tusquets, editado por Kalandraka.
Nun mundo dividido, Marcela reivindica a súa diferenza para que prevalezan a IGUALDADE e a TOLERANCIA.
En 2020, a cifra de desprazados forzosos superou os 82 millóns de persoas, según ACNUR. Nas últimas tres semanas estímase que máis de 2,5 millóns de persoas fuxiron de Ucraína.
A invasión de Ucraína impactou na nosa sociedade e no noso alumnado. Falar na casa, na clase axuda a combatir o estrés e a desinformación.
Ler e comentar noticias é unha boa forma de introducir temas de actualidade.
2.- Recursos de ACNUR (Axencia da ONU para os Refuxiados).
-Videoteca: a medida que avanza o conflito, incorporan novos vídeos que axudan a entender a situación das persoas refuxiadas.
-Programa: Enseñar sobre as persoas refuxiadas. Materiais para entender os diferentes casos que se dan: desprazados internos, migrantes, refuxiados, apátridas e cómo axudalos.
-Historias: testimonios que dan unha visión da situación des distintos puntos de vista: refuxiados, voluntarios...
3.- Recursos de CEAR (Comisión Española de Axuda ao Refuxiado).
-Guía CEAR sobre protección en España para persoas afectadas pola guerra.