1 de xul. de 2024

FELIZ VERÁN 2024!

A comunidade escolar do CEIP P. Montemogos deséxavos unhas moi felices vacacións de verán!

Xoga, le, ri, le, goza, le, conversa, le, escoita, le, pasea, le

Vémonos en setembro!



FELIZ VERÁN!

30 de xuño de 2024

Graduación de 6º de Primaria

O último día de clase as mozas e mozos de 6º de Primaria despedíronse da comunidade escolar representando unha obra de teatro musical percorrendo a súa etapa vital no colexio recordando e cantando anécdotas moi divertidas. Que ben cantan !

A dirección da obra correu a cargo de dúas nais, Noelia e Ángeles. A decoración do salón de actos e o photocall foi realizada por Diana e a edición do vídeo coas fotos do seu persoal percorrido escolar, a cargo de Ana.

Recibiron diplomas e a  ANPA realizou un sorteo de agasallos para todas e todos.

Foi unha despedida moi emotiva!


Fotos:







Moita sorte no instituto Carmen, Noa, Elena, Iria L, Lolo, Violeta, Lucía, Hugo P, Hugo R, Iria F, Mario, Ángela, Sabela, Rami, Leyre, Unai, Sofía, Saínza, Marcos, Daniela, Saúl!

Diplomas voluntariado!

Entrega de diplomas ás voluntarias e voluntarios de 6º de primaria!

Grazas por todo!

Que fermoso recordo queda no alumnado máis novo de vós! Seguide así! Sempre colaborando!

Non esquezades que Belusiña e a nosa biblioteca sempre vos estará esperando para calquera cousa que precisedes!





Belusiña mándavos un biquiño!



Festa de despedida curso 23-24!

 Todas e todos xuntos, ao remate da festa de graduación de 6º de Primaria, saímos ao patio a participar en diferentes xogos para dar por finalizado o PDI deste curso EN XOGO!

Como nos divertimos en equipos de diferentes idades!

Foi unha xornada de convivencia moi linda!









Feliz verán!




Actividades de verán no Museo Massó!

 O xoves 4 e o sábado 6 de xullo pásate polo Museo Massó e goza dos obradoiros de verán!

Inscrición gratuíta!




23 de xuño de 2024

Fiadeiro 2024

 Xa está aquí o noso xornal escolar Fiadeiro 2024, revista colaborativa anual con traballos de toda a comunidade educativa. 

Este curso o Proxecto Documental está relacionado cos deportes, os xogos, a vida saudable... baixo o epígrafe de EN XOGO!

Fiadeiro publícase desde 1978.

22 de xuño de 2024

Festival de Poesía e Música 2024

 Este curso o noso tradicional recital poético convirtiuse nun fantástico Festival de Poesía e Música para homenaxear á autora Luísa Villalta, Letras Galegas 2024.

Música e palabras, palabras e música para pór en valor a nosa lingua!

Convidamos a unhas persoas moi especiais para a nosa comunidade educativa como son os asistentes ao Taller de Memoria, entre elas están avoas, tías, amigas veciños da nosa comunidade educativa.

Con dúas fantásticas presentadoras, Daniela e Violeta (voluntarias de 6º de Primaria), iniciamos e rematamos o festival cunha actuación musical. 

A melodía inicial correu a cargo de Carmen, Noa, Rami e Elena interpretando unha peza musical de Mozart e o broche de ouro final puxérono Carmen e Noa, violín e piano, cunha melodía de Mendelssohn.

Todos os cursos recitamos poemas, cantigas, de diferentes autores, Antonio García Teijeiro, Rosalía de Castro, Álvaro Cunqueiro, Manuel María, Luísa Villalta...




Moitísimas grazas pola participación e asistencia ao Festival!



Kilos de SOLIDARIEDADE!

177 kg de tapóns SOLIDARIOS recollidos ao longo deste curso!

Como lle gusta a Belusiña esta actividade colaborativa, matemática e solidaria!

A Asociación Juan XXIII, un ano máis, recollen as tapas que entre todas e todos reciclamos.

Parabéns aos nenos, nenas, familias e a toda a comunidade!


Grazas a todas e todos por reciclar, reutilizar e colaborar!

20 de xuño de 2024

Recomendacións lectoras verán 2024

  Xa chega o verán e con el as vacacións e desde a Biblioteca desexámosvos unhas Felices Lecturas gozando da natureza que nos rodea!

 Non deixes de visitar as librarías do noso pobo e a Biblioteca Pública!



 

19 de xuño de 2024

Roteiro a Cabalo!

 As nenas e nenos de 1º, 2º e 3º de Primaria  realizaron un roteiro ata o campo de fútbol de Laxes, en Cabalo.

Participaron en diferentes xogos e gozaron da beleza da paisaxe.

In situ, observaron o arquipélago de Ons, a ría de Pontevedra, cabo Udra. Conversaron arredor do pirata Benito Soto.

Atravesando o monte apreciaron as grandes diferenzas entre especies autóctonas e especies foráneas, os nomes de árbores e arbustos...

Grazas a Cris, Álex e Noelia da asociación ASBEL por acompañarnos e estar sempre dispostas a colaborar!





Obradoiro de Lettering!

 Como agasallo ás voluntarias e voluntarios de 6º de Primaria, nesta última semana, participamos nun obradoiro de Lettering con "Brushpen" a cargo de Belén L. Méndez, NACU.

Comezamos falando da caligrafía, da historia das letras, da diferenza entre caligrafía e lettering... 

Tamén intentamos corrixir a nosa postura corporal para sentarnos a escribir tanto a man coma no ordenador, insistindo nunha boa hixiene postural.

Que bonitas e como nos gustan as letras ben feitiñas!

Xa nos gustaba o lettering, pero a partir de agora... máis!

Grazas Nacu por compartir a túa paixón pola caligrafía!







18 de xuño de 2024

Club de Lectura de Adultos

 Este martes 18 de xuño, ás 18,30h., na biblioteca, reunímonos para conversar e compartir as nosas opinións arredor do libro No todo el mundo escrito por Marta Jiménez Serrano, editado por Sexto Piso.


Participar nun club de lectura resulta ser unha actividade cultural e social moi enriquecedora. 

Lemos para aprender.

Lemos para compartir.

Lemos para emocionarnos.

Lemos porque a lectura proporciona FELICIDADE.

Grazas a todas polos lazos humanos e de amizade creados ao longo deste tempo!

Feliz verán!

Encontrarémonos pronto compartindo e comentando La nieta del señor Linh de Philippe Claudel.

Préstamo de verán 2024!

 Ven pola biblioteca!

 Non esquezas facer o teu préstamo de verán!

No verán un libro sempre na man!


Non deixes de visitar a biblioteca pública da Casa do Pobo! Rosi estará encantada de aconsellarte.

16 de xuño de 2024

Minutos musicais!

 Esta última semana, durante os minutos de entrada, escoitaremos ao grupo A banda da Loba co seu primeiro sinxelo do disco "Fábrica de Luz".

Un canto á creación e á liberdade.

A maquinaria ponse en marcha, non quedes en terra!

Felices vacacións de verán!

Este verán moita música, moita lectura, moita creatividade, moita imaxinación, moitos paseos, moita praia, moito monte, moita LUZ!



Representación de OS MISERÁBEIS

Esta tarde de domingo en Pontevedra... OS MISERÁBEIS, de Víctor Hugo,  representado pola comunidade educativa do IES Illa de Ons.

Hora: 18,30h

Lugar: Auditorio Pazo da Cultura Pontevedrra

Boa sorte!!

https://bibliotecailladeons.blogspot.com/2024/06/chegou-o-dia-de-miserabeis.html




14 de xuño de 2024

Alimentación saudable!

As nenas e nenos de 6º de Primaria explicáronnos a importancia de manter unha boa alimentación.

Elaboraron uns murais interactivos para expoñer mellor a información.

Previamente, por equipos, decidiron que querían saber e buscaron información en diferentes libros e páxinas web para elaborar estes fantásticos lapbooks.








12 de xuño de 2024

Actividades de xuño no Museo Massó

O museo Massó convídanos a participar nas súas actividades durante este mes de xuño.

Prestade atención aos días e as horas!

Inscrición previa gratuíta.



Club de lectura

 Rematamos o club de lectura de 6º de Primaria:


Creamos fermosos marcapáxinas con acrósticos dos nosos nomes:


 "Algo máxico pode suceder cando se le un bo libro" JK Rowling


11 de xuño de 2024

Actividade deportiva: remo indoor

 O venres 7, os rapaces e rapazas de 5º de Primaria participaron nunha actividade deportiva de remo indoor no pavillón de A Raña en Marín, xunto con outros coles do Morrazo.

Foi unha xornada de convivencia e xogos en equipo. 

Pasámolo xenial e... quedamos terceiros!






 


Xogos populares: a cachiza

 As rapazas e rapaces de 3º de Primaria, o venres, participaron dunha clase práctica dun xogo popular moi divertido: A cahiza.

A billarda, estornela ou cachiza (así é como se denomina en Bueu), é un xogo tradicional de Galicia, considerado deporte dende e ano 2020. 

Xógase en moitos lugares de España e do mundo.

Segundo o lugar xeográfico varían as regras de xogo.

Para xogar necesítase un palán (pau duns 60 cm) e unha cachiza (pau máis pequeno). 

O xogo consiste en golpear co palán a cachiza e cando está no aire, volver a bater, para lanzalo o máis lonxe posible.    

Os rapaces antigamente, tallaban con madeira o seu propio palán e cachiza personalizándoos pero mantendo un extremo levantado.










 
Grazas a Manolo Otero e a Pablo (avó de Xián) polas súas fantásticas explicacións e por vir a xogar con nós!