Esta tarde de domingo en Pontevedra... OS MISERÁBEIS, de Víctor Hugo, representado pola comunidade educativa do IES Illa de Ons.
Hora: 18,30h
Lugar: Auditorio Pazo da Cultura Pontevedrra
Boa sorte!!
https://bibliotecailladeons.blogspot.com/2024/06/chegou-o-dia-de-miserabeis.html
O museo Massó convídanos a participar nas súas actividades durante este mes de xuño.
Prestade atención aos días e as horas!
Inscrición previa gratuíta.
A ANPA Cabo Udra animou ás familias, nenos, nenas a confeccionar dúas preciosas alfombras florais en Bueu pola festividade do Corpus 2024.
Unha é a representación floral do cadro de Davila, Bailadores, e outra un xogo.
Correde a ver estas marabillosas mostras de arte efímero en fronte da librería Miranda!
.jpg)
Parabéns por este traballo colaborativo tan bonito!
Os rapaces e rapazas da actividade extraescolar de teatro, invita a toda a comunidade a asistir á representación de dúas fantásticas obras o próximo domingo día 9 de xuño, ás 18,00h, no Centro Social do Mar en Bueu.
Animádevos a asistir!
O Concello de Bueu, a través da concellaría de cultura e bibliotecas, continúa en xuño co programa “Ler conta moito”, no que se promoverán diversos contacontos nas bibliotecas municipais co fin de achegar a lectura a todas as persoas.
Os días 6, 12 e 18 de xuño desenvolveranse diversas actividades infantís nos espazos das bibliotecas municipais de Bueu, Cela e Beluso.
Este ano 2024 o Premio Princesa de Asturias de Comunicación e Humanidades é para MARJANE SATRAPI.
O Instituto Johan Carballeira de Bueu organiza, por terceiro ano consecutivo, a súa festa solidaria coa participación dos centro de ensino da localidade.
Este é o programa:
A Asociación Galega do Libro Infantil e Xuvenil (GÁLIX) foi a encargada de elaborar para o Concello de Pontevedra unha homenaxe cunha exposición sobre a escritora Fina Casalderrey, candidata ao premio Memorial Astrid Lindgren 2024 e ao premio Hans Christian Andersen 2024, coñecido este último como o "Nobel da Literatura Infantil".
A exposición, que se colocará na Praza da Ferraría, inaugurarase o vindeiro 18 de abril, nun acto que comezará ás 12 da mañá e no que estará presente a autora. Poderá visitarse ata o 18 de maio.
A
mostra, escrita por María Lado e ilustrada por Nove Noel, leva por título Fina
Casalderrey: medrando entre historias e está composta por 20 paneis que narran a vida e a obra da escritora do Lérez.
Son as propias palabras de Fina as que serven de fío condutor da exposición, ao destacar declaracións e anécdotas que ofreceu en diferentes ocasións e medios ao longo da súa carreira. Desta maneira retrátase unha autora referente da nosa literatura contemporánea que, xunto con outras compañeiras e compañeiros de xeración, asentou as bases da literatura infantil e xuvenil en galego. Tamén se presta atención ao seu traballo noutros xéneros e, especialmente, ao seu labor como mestra, oficio ao que dedicou 40 anos da súa vida e que ela mesma recoñece que estivo intimamente ligado aos seus inicios na escrita.
Dende GÁLIX agradecen a iniciativa do Concello de Pontevedra e consideran esta homenaxe un recoñecemento merecido que contribuirá a achegar á cidadanía a palabra e figura de Fina Casalderrey.
O Concello de Bueu, a través da concellaría de cultura e bibliotecas, participa no programa “Ler conta moito” co que se dinamizará a lectura a través de actividades variadas e atraíntes para a cidadanía, e que ten lugar coincidindo coa efeméride do Día do Libro, que se celebra o próximo 23 de abril.
O programa, que conta co financiamento da Xunta de Galicia, estenderase durante tres días deste mes en diversos espazos municipais das tres parroquias.
O 18 de abril, ás 18 horas, na Biblioteca Municipal de Beluso. Inma Soto trae “Xela, a superheroína de aldea”, unha proposta para nenos e nenas de 4 a 9 anos sobre a nosa natureza, que pon en valor os recursos que temos e busca que as persoas miúdas queiran coidar do territorio.
Carmen García, concelleira de cultura, mocidade e bibliotecas, salienta que “estas actividades buscan dinamizar as bibliotecas como lugares de encontro, ao tempo que se achegan ás novas xeracións”.
A idea da concellaría é continuar con este programa no mes de xuño a través dunha nova rolda de propostas.
Convidamos a todo o alumnado e as súas familias a que traian da casa noticias sobre deportistas da contorna (mulleres ou homes).
As noticias serán expostas no mural do corredor da biblioteca.
Animádevos a participar!
Os premios Sofía Novoa, da Deputación de Pontevedra, premiaron, na modalidade de Traballos Fin de Máster a Raquel Álvarez Martínez, por "Mulleres, Arte e Literatura: 3 vértices posibles dunha intervención didáctica promotora do desenvolvemento sostible na Educación Infantil". Investigación que relaciona a metodoloxía STEAM coa sostibilidade, o medio ambiente e a igualdade de xénero.
O noso alumnado de Infantil foi protagonista das actividades deste proxecto!
Tivemos a oportunidade de gozar con libros, científicos e literarios, relacionados cos diferentes campos e entrevistar a cinco científicas:
Susana Bastón, oceanógrafa, veciña de Bueu con raíces en Beluso.
Carla González, técnica forestal e educadora ambiental.
Nuria Vázquez, graduada en Ciencias Ambientais.
Isabel Roa, bióloga do GIA (Grupo Ibérico de Anelamento).
Sara Barrientos, doutora e investigadora en Bioloxía Mariña.
Mil parabéns polo premio e pola pasión posta no traballo ben feito e a túa dedicación e compromiso!👏👏👏
Raquel, Kelly, é unha gran contadora de historias e amante dos libros, aquí podedes ver algunhas das súas representacións na nosa biblioteca.
Grazas por compartir con todos e todas nós o teu amor polos libros e a lectura!
Aquí está a programación de Nadal en Beluso para o sábado 23 de decembro.
Mercado de Nadal, actividades navideñas organizadas de forma colaborativa por ASBEL, Novos Ventos e a asociación Sanamedio.
Haberá postos de artesáns, música, actividades, sorteos, chocolate...
Anímate a participar!
.jpg)
A poeta compostelá Yolanda Castaño foi galardoada co Premio Nacional de Poesía do ano 2023 pola súa obra Materia (Xerais, 2022).
Parabéns!👏👏
A nosa felicitación ao Club do Mar Bueu e a súa traiñeira Maruxía que acaban de ascender á ACT (Asociación de Clubes de Traiñeiras). É unha das doce mellores tripulacións de España.
Parabéns!
Luís Davila, o noso veciño de Cela, recibiu o Premio Trasalba da Fundación Otero Pedrayo pola defensa da nosa lingua e a nosa cultura a través do humor gráfico.
Luís Davila é deseñador gráfico, ilustrador, pintor e viñetista. Coñecido, especialmente, polas súas viñetas de "O Bichero".
Parabéns por este recoñecemento!
Esta fin de semana falláronse os Premios Xerais de Novela, e os xurados escolleron as obras de Pedro Feijóo, María Reimóndez e Leticia Barbadillo.
Pedro Feijóo gañou o Premio Xerais de Novela coa súa obra Ninguén contará a verdade, unha novela sobre a corrupción política protagonizada por unha xornalista en paro, Marosa Vega, que en colaboración cun xornalista veterano, Salva Lamas, investiga un caso de corrupción política que afecta ao presidente da Xunta e que está a deixar un regueiro de vítimas.
María Reimóndez fíxose co Jules Verne 2023 de Literatura Xuvenil coa novela Furia. Nela abórdase a incursión no mundo do boxeo de Cecilia, unha rapaza de 16 anos que se muda de cidade a vivir coa súa tía avoa trala morte da súa nai. No seu traxecto vital, Cecilia coñecerá a dúas mulleres de diferentes idades e condicións sociais.
Leticia Barbadillo gañou o Premio Merlín 2023 con A botella de lentellas, a historia sobre un neno que, tralo internamento da avoa nunha residencia, decide facer por si mesmo as orellas doces que lle preparaba a súa avoa, e imaxinar as historias escoitadas por esas orellas. Esta é a primeira novela de Leticia Barbadillo.
En outubro realizarase o acto de entrega e os libros estarán nas librarías.
O libro "Esperando o amencer" gaña o Premio Nacional á obra mellor editada de Literatura Infantil e Xuvenil.
Este álbum ilustrado é da artista peruana Fabiola Anchorena que denuncia a destrución dos pulmóns do planeta a causa dos grandes incendios. Goza da súa mensaxe e das súas ilustracións
Esta obra é da editorial pontevedresa Kalandraka.
Busca este libro na nosa biblioteca (50 ANC esp). Estate esperando.
O Premio Nacional de Narrativa 2022 foi concedido a Marilar Aleixandre, unha científica madrileña que escribe en galego, polo seu libro "As malas mulleres".
Novela histórica sobre a situación no cárcere de mulleres durante o século XIX. Esta é a historia dunhas mulleres que se axudan unhas a outras.
Parabéns!
