Esperámoste!

Minutos musicais!

 Esta semana na que remata o primeiro mes do ano, xaneiro, conmemoramos o día 30 o Día da Paz e Non violencia.

Neste día celebramos o aniversario da morte de Mahatma Gandhi (India 1869-1948) líder pacifista que defendeu e promoveu a non violencia e a resistencia pacífica frente ás inxustizas e foi asasinado por defender estas ideas.

A educación en e para a tolerancia, a solidariedade, a concordia, o respecto aos Dereitos Humanos, a non violencia e a paz refórzanos como persoas críticas e comprometidas cos nosos dereitos e cos de outras persoas.

Ser distintos é diversidade!

Escoitamos a canción "O mundo é grande" do grupo Mamá Cabra, canta a súa importante mensaxe.

Feliz semana!

Club de Lectura: Alma de elefante

Rematando Alma de elefante, escrito por Andrea Maceiras. Investigamos sobre os lugares, os animais, a cultura que dá soporte ao libro.

Como nos gusta compartir lecturas e tempo!

Regala palabras para a paz!

Ven, colle un papel e escribe PALABRAS pola PAZ! Leva a que necesites!

Porque a paz constrúese cada día con fermosas palabras, pequenos xestos, saudando, axudando, sorrindo, con amabilidade, xenerosidade, empatía, escoitando...

Visita a biblioteca ou o recuncho de lectura da entrada con bibliografía seleccionada polas voluntarias da biblioteca e relacionada coa Paz e Non violencia.

Construíndo na biblioteca!

 Que grande éxito ten este novo xogo de construción na biblioteca!

Voluntarios na biblioteca!

Axudando na biblioteca... 

O grupo de voluntarios e voluntarias da biblioteca seleccionaron bibliografía relacionada co Día da Paz e Non Violencia.

A continuación, dous voluntarios deseñaron, durante o recreo, coa axuda dunha app, un cartel.

 Grazas a todos e todas pola vosa colaboración!

 

Mochilas viaxeiras 2024

 As mochilas viaxeiras xa iniciaron a súa andaina polos fogares do noso alumnado!

Gustaríanos que vos axudaran a crear momentos para compartir lectura, música, conversa arredor dos libros e das outras dúas sorpresas que conteñen as mochilas.

No caderno viaxeiro, que as acompaña, podedes escribir a vosa opinión sobre a actividade, sobre o contido, cal é o voso libro favorito, comentar sobre o tema dos deportes e os xogos do proxecto anual... e suxestións de mellora cara ao futuro.

Lecturas e aventuras con Belusiña!

Minutos musicais!

 Esta semana escoitaremos unha canción que desprende optimismo Happy do cantante estadounidense Pharrell Williams.

Este tema gozou de éxito mundial durante o ano 2014. Forma parte da banda sonora da película "O meu villano favorito 2".

A felicidade está en ti. Sé moi FELIZ!

Boa semana!

Minutos musicais!

Iniciamos trimestre e semana con moita alegría por estar todas e todos xuntos de novo no colexio.

Escoitaremos a canción Sonríe da cantautora canaria Rosana cunha mensaxe alegre e positiva para empezar este novo ano!

Moito ánimo e a por todas!

"Tú sonríe y veras,
como todo lo que hay en tus ojos parece que brilla.
A poquito,
que sonrias se contagia la mía.
Y los ratos oscuros se harán de colores."

Calendario colaborativo 2024

Xa está aquí o Calendario colaborativo anual! 

Ilustrado coa práctica de diferentes deportes e xogos por todo o alumnado do colexio.

Este curso o Proxecto anual está adicado aos deportes, aos xogos, aos contos motóricos... Leva por nome En xogo. 

É moi importante que os nenos e nenas desenvolvan modos de vida saudables. Desde o centro promovemos hábitos deportivos e contribuímos á consecución dos Obxectivos de Desenvolvemento Sostíbel da Axenda 2030.

A práctica de exercicio axuda ao desenvolvemento integral da persoa. Mellora a concentración o que facilita a consecución das competencias básicas de lectura, escritura e habilidades investigadoras.

Podedes mercalo na secretaría do centro ou en calquera libraría do noso concello.