Esta semana escoitaremos Naos, unha muiñeira do grupo Boroa.
Boroa é un grupo de Ribeira liderado por Sabela Olivares na gaita, piano, pandeireta e voz acompañada por Suso Bello á guitarra e voz e Alberto millán ao baixo.
Boroa crea un mundo sonoro coa gaita como protagonista alén de fronteiras para achegarnos harmonías de diferentes xéneros musicais pasados polo filtro acústico: folk tradicional galego, swing, jazz manouche, ragtime...
Gozade coa música!
Feliz semana!
O xoves 23 en colaboración co CIM (Centro de Información á Muller) do Concello de Bueu realizamos Obradoiros para concienciarnos dos diferentes tipos de violencia, do consentimento, de saber dicir non, de que non existen xoguetes diferentes para nenos e nenas, de que todos e todas podemos realizar todo tipo de traballos... Poñer en valor o respecto cara os demais.
.jpeg)
.jpeg)
.jpeg)
.jpeg)
.jpeg)
.jpeg)
Acompañados e acompañadas por diferentes persoas da comunidade educativa realizamos a IV Marcha contra a Violencia de Xénero e posterior lectura do manifesto escrito polo alumnado de 6ºde Primaria.
Bibliografía exposta:
O 25 de novembro conmemórase o Día Internacional para a eliminación da violencia contra as mulleres co obxectivo de denunciar a violencia que se exerce sobre as nenas e as mulleres en todo o mundo e reclamar políticas, en todos os países, para a súa erradicación.
Un desexo... Oxalá que se convirta nun día que non teñamos que conmemorar porque todos e todas somos iguais.
Escoitaremos Canción sen medo da cantante mexicana Vivir Quintana, como homenaxe ás vítimas e un tributo ás mulleres loitadoras.
Iniciamos a semana en 20 de novembro, día importante porque recordamos que hoxe celébrase en todo o mundo o Día dos Dereitos dos nenos e nenas.
Queres saber cales son? Pois escoita, mira e goza con esta canción de Los Lunnis.
Visita a páxina de Unicef para coñecer os 10 Dereitos fundamentais con ilustracións de Quino, creador de Mafalda e os seus amigos.
O sábado 18 de novembro expuxemos nas Xornadas de Bibliotecas Escolares de Galicia, no Palacio de Congresos en Santiago, a nosa experiencia dentro do Programa Lectura e Familias.
Esta mañá a biblioteca foi punto de encontro entre diferentes xeracións, persoas do taller de memoria, unha mamá e alumnado de 1º e 2º de Primaria da man de Pablo Otero.
O obradoiro foi unha excusa para coñecernos, para compartir ideas, historias e gozar xuntos. Compartir tempo e espazo. Aprender uns dos outros.
Iniciamos a actividade cunha gran loneta como se fose un libro en branco... está todo por comezar.
Un labor comunitario que vos convida a continuar intervindo sobre o soporte aportando novas ideas co fin de facelo máis fermoso.
Mil grazas a todas e todos por compartir!
Grazas Pablo por acompañarnos!
Grazas á familia de Xián de 6º de Infantil por facilitarnos materiais marabillosos para o obradoiro.
O alumnado de 1º, 2º, 3º e 4º de Primaria visitaron Pontevedra e asistiron á actuación Vaia ritmo! no teatro de Afundación en Pontevedra, concerto de Odaiko Percussion Group. A través da sorpresa, do humor e a interacción co público, presentáronnos diferentes elementos de percusión que nos levaron a melodías cheas de ritmo e diversión.
Martes, día de xuntanza do club de lectura. Nin o mal tempo, nin as obras no cole poden coa nosa reunión!
Como nos gusta xuntarnos a falar arredor do libro de Andrea Maceiras: Alma de elefante!
Dialogamos arredor da metereoloxía, da roupa usada, de animais que axudan nos traballos aos humanos, de que o importante está no noso interior, de que só se ve ben co corazón...
Esta semana escoitaremos a canción All Star, tema moi coñecido do grupo estadounidense Smash Mouth.
Feliz semana!
Este venres celebramos o Magosto con xogos e castañas.
Os xogos foron xentileza da Asociación Xoán XXIII de Cangas. Estiveron moi divertidos e moi ben explicados polos usuarios e usuarias que exerceron de monitores e monitoras.
Os equipos estaban formados por nenas e nenos de diferentes idades que ían rotando polas diferentes estacións, incluído un taller de lingua de signos.
As castañas foron asadas por mamás da ANPA que exerceron de fantásticas castañeiras.
Mil grazas a todas e todos por colaborar na festa do Magosto! Parabéns!
O martes 8 de novembro asistimos no Auditorio do Ministerio de Cultura ao acto de entrega dos premios aos Clubs de Lectura de Primaria.
Fomos recibidos por un cuarteto de música.
Esta semana celebraremos o Magosto con castañas e sorpresas.
O tema elexido é Canción do Magosto 13 Lúas.
Feliz e saborosa semana!
Durante este Samaín gozamos con Lecturas de medo en diferentes localizacións do cole.
O medo tamén se le!
.jpg)
.jpg)
.jpg)
O alumnado de 6º de Primaria dramatizou polos corredores á Santa Compaña asustando a todos e todas.
Toda a comunidade escolar bailamos ao ritmo da canción THRILLER de Michael Jackson no pavillón. Foi unha coreografía terrorificamente divertida!
A entrada do centro foi decorada pola ANPA Cabo Udra.
Durante toda a semana gozamos da exposición de cabazas realizadas polas familias.
Este martes de Samaín estivemos xogando coa luz negra!
A luz negra ou ultravioleta utilízase en ambientes escuros para resaltar algunhas cores sobre outras, as brancas e fluorescentes, logrando efectos sorprendentes.
Pintamos con témperas e rotuladores fluorescentes!
