A Asociación Cultural Novos Ventos, dentro das actividades previstas na XXXVI Semana Cultural e das Letras Galegas, impartiu unha charla obradoiro arredor da muiñeira e o traxe tradicional.
Bailamos, vestimos pezas de roupa do traxe tradicional, compartimos a nosa lingua...
.jpg)
.jpg)
.jpg)
.jpg)
Dentro das actividades da XXXVI Semana Cultural e das Letras Galegas, o patrón maior da Confraría de Pescadores San Martiño de Bueu, José Manuel Rosas Otero, impartiu unha charla obradoiro arredor das artes de pesca.
Grazas por explicarnos como traballan os mariñeiros!
Durante esta quincena podemos ler e aprender coa exposición itinerante:
Catorce paneis informativos que contan a historia de mulleres
destacadas na historia da ciencia, da tecnoloxía, da enxeñaría; científicas, investigadoras, pioneiras que todos e todas deberiamos coñecer.
Esta iniciativa está patrocinada pola Unidade de Igualdade da Universidade de Vigo e da Fundación Española para la Ciencia y la Tecnología (Fecyt), do Ministerio de Ciencia, Innovación e Universidades.
Ten como obxectivo espertar en rapazas e rapaces a vocación científica no campo STEM.
Empezamos a investigalas!
Estade atentos e atentas ao próximo concurso de preguntas...
A actriz Uxía Morán presentou un espectáculo visual, artístico, dinámico, participativo... que nos fixo reflexionar a todos os espectadores arredor da importancia de falar e valorar a nosa lingua: O FÍO DO QUE PENDO.
Dun xeito participativo, dramatizamos o conto Facer dedo, de Guilherme Karsten, editado por Kalandraka.
A coral Polifónica de Beluso ofreceu un pequeno concerto con cancións en diferentes idiomas para mostrarnos que a música é unha linguaxe universal.
.jpg)
As nenas e nenos de 4º, 5º e 6º de Primaria visitaron a casa de Rosalía de Castro en Padrón.
Coñeceron a historia da casa, a biografía da autora, os espazos polos que transitou a nosa escritora universal.
Foi unha mañá chea de poesía!
Iniciamos a XXXV Semana Cultural e das Letras Galegas cun fantástico espectáculo de Migallas Teatro titulado "Camiño de historias", mestura de música e contacontos, salientando a importancia da lectura, da nosa lingua e da tradición oral.
Foi moi divertido gozar destas historias contadas de xeitos diferentes acompañadas pola música de Migallas en directo!
.jpeg)
.jpeg)
.jpeg)
.jpeg)
Mil grazas!
Mil primaveras máis para a Lingua Galega!
Hoxe tivemos o luxo e o pracer de gozar coa presenza de Míriam Ferradáns na nosa biblioteca, para guiarnos, nun obradoiro de creación escrita.
O alumnado de 3º e 6º de primaria convertíronse en poetas por uns momentos.
Grazas Míriam por acompañarnos unha vez máis!!!
Celebramos, por segundo ano consecutivo o DÍA DA MUIÑEIRA.
Bailamos todos xuntos no patio de Primaria a Muiñeira de Lugo.
A palabra muiñeira, procede de muíño, lugares onde as persoas se xuntaban para moer os grans de trigo, millo, cebada... e como había que esperar... bailábase, cantábase, tocábase algún instrumento.
É fantástico bailar todos xuntos no patio!
.jpeg)
.jpeg)
Esta mañá primaveral recitamos, cantamos, gozamos coa POESÍA.
A primeira hora acudimos todas e todos ao noso Salón de Actos para recitar e escoitar.
Con dous presentadores magníficos, Carlota e Álvaro, fomos subindo ao escenario para recitar e incluso cantar diferentes poemas de Manuel María, García Teijeiro, Leire Bilbao e, por suposto do autor homenaxeado este ano: Florencio Delgado Gurriarán.
