Día da Muller 2024

Para conmemorar o Día Internacional da Muller, 8M, relacionado co Proxecto Documental deste curso, cada grupo realizou unha pequena investigación sobre unha muller deportista.  Podían ser deportistas moi coñecidas ou tamén deportistas da contorna.

Os voluntarios e voluntarias de 6º de Primaria, en Arts and Crafts, deseñaron carteis para reivindicar a igualdade entre as persoas.

 

 

Polos corredores, na entrada está exposta bibliografía relacionada con esta data, libros de contos protagonizados por mulleres, libros de poesía. En diferentes idiomas, galego, español e inglés.

 

 Parabéns a TODAS, de todas as idades, de todas as razas, de todas as condicións...

Un agasallo... un poema de María Reimóndez, As que rubimos montañas, con música de Uxía e Guadí Galego.

 

Programación do Concello de Bueu para 8 de marzo

 
O Concello de Bueu presenta a programación con motivo do 8 de marzo, Día Internacional das Mulleres, na que haberá homenaxes, talleres, cinema, deporte e moito máis.
A través de todos os actos queremos reivindicar a loita pola igualdade entre homes e mulleres.

Cartel con toda a programación e información na web:

 https://concellodebueu.gal/o-concello-de-bueu-organiza-homenaxes-talleres-e-cine-na-programacion-do-dia-internacional-das-mulleres/

 Anímate a participar! 

Anímate a celebrar!

É a festa de TODAS!

Conferencia 8M no Museo Massó

 O venres 8 de marzo o Museo Massó organiza esta conferencia:

Anímate a asistir!

Xogando polo 8M

 As nenas e nenos de 6º de Primaria dos colexios de Torre-Cela e do noso centro participaron dunha xornada de convivencia onde os xogos sen estereotipos de xénero foron o punto de partida xa que o próximo curso compartirán aulas no IES Illa de Ons de Bueu.

Estos xogos foron organizados polo CIM do Concello de Bueu coa colaboración da Asociación Xoán XXIII.

Foi unha xornada moi colaborativa!

8M: Día Internacional da Muller

Os nenos e as nenas de 6º de Primaria realizaron carteis reivindicativos arredor do Día Internacional da Muller para que todo o colexio coñeza e poña en valor o verdadeiro significado de feminismo.

Realizaron unha campaña moi ben deseñada e motivadora implicando a todo o centro.

 

Minutos musicais!

O mércores 8 de marzo conmemoramos o Día Internacional da Muller, xornada para reivindicar a igualdade entre as persoas.

Porén esta semana escoitaremos "Que non mo neguen" das Tanxugueiras, grupo de pandereteiras formado por Aida Tarrío e as irmás xemelgas Olaia e Sabela Maneiro. Son capaces de reinterpretar os sons tradicionais fusionándoos con ritmos urbanos ou con música electrónica.

A súa enerxía, o seu empoderamento, a súa contundencia e o seu virtuosismo vocal son os máximos expoñentes do seu estilo, coñecido como trad, que xa as fixo triunfar en escenarios de varios países.

O trío recolle o legado das pandereteiras, mulleres que traballaron por manter viva a música tradicional galega.

Para a gravación deste videoclip As Tanxugueiras rodeáronse de "mulleres fortes e libres": Luz Fandiño, poeta; Gloria Leis, a mariscadora máis nova da Cofradía de Pescadores de Muros; Estrella Sánchez, doutora en Endocrinoloxía; Anxos Vaamonde e Sara Espiño, nai e filla e Isabel Neira, a única torneira que exerce a profesión en Galicia.

Sexamos persoas fortes e libres!

Feliz semana da Igualdade!

8M. AS MULLERES DA NOSA VIDA

 Ao longo destas semanas estivos traballando nos diferentes niveis arredor de 

AS MULLERES DA NOSA VIDA, mulleres especiais que nos acompañan sempre.

Na entrada e nos diferentes corredores houbo expositores para gozar coa lectura arredor da igualdade e de biografías de diferentes mulleres.

Visita o blog de Infantil para coñecer a máis mulleres únicas e marabillosas:

 http://educacioninfantilbeluso.blogspot.com/2022/03/8-de-marzo-o-meu-exemplo-de-muller.html

8 de marzo, DÍA INTERNACIONAL DA MULLER

Para conmemorar o Día Internacional da Muller estivo con nós o grupo de Beluso "A Quinta Ferreña". Grupo de pandeireteiras que no seu inicio estaba integrado soamente por mulleres, que busca a integración de todas as persoas.

As pandeireteiras son agrupacións musicais que empregan as pandeiretas como acompañamento principal para cantar e bailar.

Mulleres anónimas, poetas, algunhas sen saber ler nin escribir, que manteñen viva a tradición oral.

A igualdade de xénero non é un problema das mulleres é un camiño.

Nunca é demasiado tarde.

Moitísimas grazas por acompañarnos nesta data tan especial!

MINUTOS MUSICAIS!

Continuamos con audicións adicadas a mulleres destacadas na música, nesta ocasión as protagonistas son : Edith Piaf  coñecida como "O pequeno pardal", lenda da "chanson française" do século XX  con "Je ne regrette rien" e  Ella Fitzgerald   coñecida como "Lady Ella", a raíña do Jazz, con "Summertime".

                BOA SEMANA!!!

"MARUXA"

As nenas e nenos de 6º de Infantil dramatizan, dun xeito moi fermoso, o álbum ilustrado "MARUXA". 

Precioso álbum ilustrado que narra como Maruxa, cansa de facer o pan todos os días, decide dar unha lección a Pepiño e mostrarlle que o traballo na casa é cousa de dous.

Humor, reflexión e un sorriso móstranos como se fai o pan e a procedencia dos seus ingredientes.

Texto de Eva Mejuto, ilustracións de Mafalda Milhôes é a adaptación dunha canción tradicional polaca. Está editado por OQO editora.

Este libro foi seleccionado como un dos mellores libros de cociña do mundo nos premios Cookbook Gourmand Award 2014.

MOITAS GRAZAS AMIGUIÑOS 

POR RECORDARNOS QUE 

TRABALLO E DESCANSO SEMPRE EN COMPAÑÍA.

8 de marzo: DÍA DA MULLER

 Cada 8 de marzo conmemoramos o DÍA DA MULLER para recordarnos que a igualdade,

a participación e o empoderamento da muller en todos os ámbitos para avanzar cara

a unha sociedade máis xusta, pacífica e sostible.

Ponte a proba con este genially:

https://view.genial.ly/603d148ddbdb4b0d14453228/interactive-content-mulleres-futbolistas

COMPROMÉTETE COA IGUALDADE DE XÉNERO!

O sexo non determina as capacidades persoais porque:

Todas e todos somos capaces.

Todos e todas somos esenciais.

Todas e todos somos importantes.

Todos e todas somos imprescindibles.

Todas e todos somos responsables.

Todos e todas somos diferentes.

Todas e todos somos iguais.

A IGUALDADE É TAREFA DE TODOS E TODAS!

FORMAS PARTE DA XERACIÓN IGUALDADE!

FELIZ DÍA DA IGUALDADE!

DÍA INTERNACIONAL DA MULLER

O luns 9 de marzo, asistimos no Centro Social do Mar, en Bueu, a entrega de premios do certame: "A igualdade no traballo" organizado polo Concello de Bueu. 

Rapazas e rapaces do noso centro foron os encargados da declaración conmemorativa realizando unha performance na que nos fan reflexionar sobre os salarios, as profesións, os estereotipos, os micromachismos...

Exposición de bibliografía e cartel informativo sobre CONCEPCIÓN ARENAL.

8 DE MARZO: DÍA INTERNACIONAL DA MULLER

 
No Concello de Bueu celebrouse este venres un pleno moi especial no que o alumnado dos centros educativos foi o protagonista.

O pleno estivo rexentado polo alcalde, Félix Juncal, a concelleira de igualdade, Ana Isabel Otero e o vicealcalde, Julio Villanueva. Participaron  Rosana, Juan e Gabriela de 6º.

Ao remate do pleno entregáronse uns diplomas conmemorativos aos participantes.

O vindeiro luns, 9 de marzo ás 12.00 h, terá lugar no Centro Social do Mar un acto de entrega dos premios dos certames educativos de viñeta/ilustración e literario “A igualdade no traballo”, no que participará alumnado de diferentes cursos do noso colexio.


As rapazas e rapaces de Infantil realizaron estes debuxos reflexionando que todos e todas podemos ser o que nos propoñamos, sin importar nada máis.

CONCURSO DE VIÑETA E ILUSTRACIÓN

Co motivo da celebración do Día da Muller o concello de Bueu organiza, o venres 6 de marzo, o II Pleno pola Igualdade e o luns 9 o acto institucional, no Centro Social, onde o noso alumnado fará a declaración conmemorativa.
No concurso de viñeta e ilustración deste ano presentáronse máis dun centenar de ilustracións e máis de 60 microrrelatos, biografías e poemas.
Rosana, de 6º de Primaria, recibirá unha mención especial polo seu poema.

PARABÉNS! 

Máis información:
https://www.farodevigo.es/portada-o-morrazo/2020/03/04/bueu-celebra-segundo-pleno-igualdad/2257129.html
https://concellodebueu.gal/o-concello-elixe-os-traballos-ganadores-dos-certames-educativos-a-igualdade-no-traballo/

8 de marzo. DÍA DA MULLER

Celebramos o DÍA INTERNACIONAL DA MULLER. Miramos ao noso arredor e topamos unhas mulleres que traballan nunha  profesión fermosa e arriesgada. Fano con paixón e en igualdade cos homes. Hoxe 8 de marzo viñeron a contárnolo ao colexio.

Deixámosvos un pequeno vídeo (o orixinal "UN  PAÍS PARA COMÉRSELO" emitiuse en Televisión
Española) que sirviu de presentación para as percebeiras. DÁMOSLLE AS GRAZAS A TODAS ELAS POR COMPARTIR CON NÓS O SEU TEMPO E AS SÚAS EXPERIENCIAS.


Mais fotos, presentacións...
BLOGUE DE E.I.
TARANDEIRA
Se queredes información desta data recomendamos un artigo da VOZ DE GALICIA que podedes ler premendo aquí