É tempo de VERÁN.
Tempo para LER en diferentes lugares. So ou en compañía...
Tempo para ESCRIBIR un diario, unha carta, un poema, unha canción, un microrrelato, un relato...
Tempo para VISITAR museos, bibliotecas, espazos naturais...
Tempo para ESCOITAR,
para BAILAR,
para PASEAR,
para VER películas,
para XOGAR,
para CONVERSAR,
para DESCANSAR,
para CARGAR as pilas de cara ao próximo curso...
FELIZ VERÁN!!!
O luns 27 de xuño tivemos a honra de asistir á entrega de premios do V Concurso de Microrrelatos convocado pola Real Academia Galega e a Asociación Punto Gal.
O relatos premiados os podedes atopar nas webs da Real Academia Galega e PuntoGal e, en breves, tamén poderemos gozar destas obras en papel da man da revista Luzes.
"Temos en Galicia un feixe inmenso de creadoras, que ilusionan, que van da man de mestras da nosa escola pública, de nais e pais que lles crean un entorno onde a ilusión é posible. Son futuras neurólogas, profesoras, deportistas. Son galegas de nacemento ou vidas de Tarragona, de calquera lugar. Son país" Lois Alcayde Dans.
Queremos darlle a noraboa a todas as participantes, tal e como salientaban os membros do xurado xa que, ten tanto valor quen se atreve a escribir e participar, como quen gaña o concurso.
Especialmente hai que darlle a noraboa a Elena e a Antía, Bueu e Beluso estamos moi orgullosos de vós.
Seguide escribindo, seguide contando e seguide emocionándonos.
Estamos seguras de que volveremos a vervos en máis premios!
