Porque a paz constrúese cada día con fermosas palabras, pequenos xestos, saudando, axudando, sorrindo, con amabilidade, xenerosidade, empatía, escoitando...
Visita a biblioteca ou o recuncho de lectura da entrada con bibliografía seleccionada polas voluntarias da biblioteca e relacionada coa Paz e Non violencia.
Para rematar bailamos todos xuntos a canción "O mundo é grande" de Mamá Cabra con música de Leroy Anderson (O reloxo sincopado). Todos aprendemos a súa fermosa letra.
O alumnado de 6º seleccionou entre a bibliografía da Paz diferentes historias para contar a todas as titorías no seus espazos.
Foi unha HORA DE LER diferente e moi divertida!
Como nos gusta escoitar historias!
Está nas túas mans que a violencia desapareza!
Máis no blog de Infantil.
Hoxe celebramos o DÍA ESCOLAR POLA PAZ E NON VIOLENCIA que cada 30 de xaneiro desde 1964 conmemora a morte de Mahatma Gandhi.
Gandhi foi un pacifista que defendeu a non violencia e o diálogo.
Como el dixo
"NON HAI CAMIÑO PARA A PAZ, A PAZ É O CAMIÑO"
Pero... que é a paz?
O alumnado de 6º de Primaria compartiu un mural onde explicaron o seu significado.
A PAZ É RESPECTAR E AMAR!
Relacionado co Proxecto documental deste curso: A MEMORIA DO NOSO, bailamos e cantamos todos xuntos a danza "O xogo da carrasquiña".
Todas as titorías decoraron con debuxos, palabras, frases... PARAUGAS DE PAZ. Están preciosos cubrindo a entrada do cole.
Goza coa lectura do álbum ilustrado "PALABRAS CON CORAZÓN", realizada polo alumnado de 6º de Primaria, escrito por Kate Jane Neal, editado en Cubilete (Bruño). Está a túa disposición na biblioteca.
Coas palabras dialogamos,
coas palabras sentimos,
coas palabras transmitimos,
as túas palabras teñen un gran poder!
A Biblioteca Escolar ten a palabra!
A Biblioteca Escolar ten a palabra!
Coas palabras dialogamos,
coas palabras sentimos,
coas palabras transmitimos,
as túas palabras teñen un gran poder!
...
Escoita "PALABRAS CON CORAZÓN", unha lectura do alumnado de 6º de Primaria do álbum ilustrado que está a túa disposición na biblioteca, escrito por Kate Jane Neal, editado en Cubilete (Bruño).
Preciosa lectura!
Plantando árbores, sementando futuro!
Esta mañán, grazas a que o tempo deu unha tregua, plantamos todos os cursos árbores.
En África unha árbore é un símbolo de PAZ. O venres os voluntarios e voluntarias de 6º déronnos a coñecer a unha gran muller chamada WANGARI MAATHAI: A MULLER ÁRBORE e o MOVEMENTO CINTURÓN VERDE. Ela dicía que todos temos que plantar unha árbore e coidar e repectar os bosques.
| "Vino unha mañán de orballo, | |||
| á mañecida, | |||
| durmindo ó pe dun carballo, | |||
enriba da herba mollida."   MIL GRAZAS Á COMUNIDADE DE MONTES POR CONTRIBUÍR NESTA PLANTACIÓN! Agora toca agardar... observar... ter paciencia... |
Marabilloso traballo colaborativo arredor da canción de John Lennon con ilustracións de 4º de Primaria e voces de 3º, 5º e Brais de 6º.
Parabéns!
Visita o blog de inglés: The World of English Beluso.
Gozade con estas fantásticas ilustracións realizadas por todo o alumnado da canción IMAGINE de JOHN LENNON e YOKO ONO.
Recordade que este ano cumple 50 anos!
Clickade na imaxe e disfrutade!
Hoxe, o alumnado de 6º de Primaria, realizou unha Conexión Biblioteca para dar a coñecer o libro Imagine (Ed. Flamboyant) ao alumnado do IES Illa de Ons, con motivo da celebración dos 50 anos desta canción, todo un símbolo da paz e da igualdade.
Compartimos aquí a lectura do libro polo alumnado voluntario da biblioteca escolar.
Nesta semana adicada á PAZ e con motivo do "250 Aniversario do Nacemento de Beethoven" o alumnado voluntario de 6º de primaria prepararon un traballo sobre o xenial músico e compositor alemán.
Escoitade atentamente!
Beethoven compuxo a 9ª Sinfonía (1824),cando xa se atopaba completamente xordo, sendo unha das obras de música clásica máis recoñecidas da historia. Considerada un símbolo de fraternidade e igualdade , dende o ano 1985 é o Himno da Unión Europea e foi declarada Patrimonio da Humanidade pola Unesco no 2001.
Deixámosvos un vídeo onde os nenos e nenas de 6º de primaria interpretan con metalófonos e carillóns a melodía do "Himno da Alegría" baseada no cuarto movemento da tamén coñecida como Sinfonía "Coral".
Esta semana, na que celebramos o "Día da Paz e non violencia" (30 de xaneiro), as audicións serán: o "HIMNO DA ALEGRÍA" baseado na 9ª Sinfonía de Beethoven, intepretado por Míguel Ríos, Ana Belén , Joan Manuel Serrat e Víctor Manuel e "IMAGINE" , canción que cumple 50 anos, xa que foi composta no ano 1971 por John Lennon, e que continúa a ser un himno da PAZ mundial.
