Encontro interxeracional!

 Esta tarde de maio, na nosa biblioteca produciuse un encontro "máxico", bebés, nenos e nenas, mamás e papás, tías, avoas, persoas do centro de día... participamos nun encontro interxeracional.

Boniface Ofogo fíxonos partícipes das historias e cancións da súa cultura, leunos o seu conto "O elefante que perdeu o seu ollo". Dialogamos, cantamos, escoitamos, rimos...

Dialogamos da importancia de escoitar, escoitar ás avoas, escoitar á natureza, de marcar pausas, de buscar a CALMA.

 

Todo o que se poida imaxinar é real. É importante ser persoas creativas!

Grazas por compartir historias e tempo na biblioteca!

 

Encontro interxeracional nos Centros de Día

 Alumnado voluntario de 6º de Primaria visitou, o martes día 19 de marzo, os dous Centros de Día do Concello de Bueu para dramatizar unha obra de teatro arredor da vida e obra de Rosalía de Castro.

Unha xornada de encontros moi emotivos e gratificantes!

 

Coser e cantar con Pablo Otero

 Esta mañá a biblioteca foi punto de encontro entre diferentes xeracións, persoas do taller de memoria, unha mamá e alumnado de 1º e 2º de Primaria da man de Pablo Otero.

O obradoiro foi unha excusa para coñecernos, para compartir ideas, historias e gozar xuntos. Compartir tempo e espazo. Aprender uns dos outros.

Iniciamos a actividade cunha gran loneta como se fose un libro en branco... está todo por comezar.

Un labor comunitario que vos convida a continuar intervindo sobre o soporte aportando novas ideas co fin de facelo máis fermoso. 

 Mil grazas a todas e todos por compartir!

Grazas Pablo por acompañarnos!

Grazas á familia de Xián de 6º de Infantil por facilitarnos materiais marabillosos para o obradoiro.