Día das Bibliotecas

 Hoxe tivemos unha representación teatral polo Día das Bibliotecas. Cinco xéneros literarios tiveron que descubrir o misterio de quen eran e de onde viñan, todo organizado polo terrible... teatro!

Coa participación de catro familias (Álex, Antía, Arantxa e Maika) e dous profesores (Xosé Manuel e Bruno), a obra foi representada para todo o alumnado que se mostrou moi participativo e entusiasmado. Ao final, fomos, como non podía ser de outra maneira, á biblioteca para crear unha historia improvisada e dialogar sobre os motivos polos que nos gusta este espazo. 

Club de Lectura 6º Primaria

 Coincidindo co Día das Bibliotecas, 24 de outubro, iniciaron  a súa andaina as dúas seccións do Club de Lectura de 6º de Primaria, Os Belulectores.

O primeiro libro que imos ler é Alma de elefante, escrito por Andrea Maceiras e publicado por Xerais.

 Gozade coa lectura!

 

Lecturas Compartidas!

Os nenos e nenas de 2º de Primaria visitaron a clase de 4º de Infantil para compartir lecturas entre iguais.

Foi unha experiencia fantástica durante a Hora de Ler! 

Unha actividade máis dentro da Semana da Biblioteca!

 

 

Para saber máis desta actividade visita o blog de Infantil.

Futbolistas

Iniciamos unha semana moi especial, o 24 de outubro é o Día das Bibliotecas.

Este curso o Proxecto Documental anual versa sobre os deportes; leva por nome En Xogo!

O luns recibimos a visita de tres xogadoras de fútbol sala do equipo  Marín Futsal: Jessi (mamá de Ainhara), Carolina e Ana. 

Conversamos sobre a importancia de realizar deporte, comer sa, estudar, xogar en equipo... Amablemente responderon ás nosas preguntas sobre os seus inicios no deporte, no fútbol, no fútbol sala, os seus xogadores e xogadoras favoritas, o seu sitio no campo, a onde viaxan e como se desprazan, o lugar de entrenamento...

Enviámoslles os nosos mellores desexos para que logren grandes éxitos e consigan a Copa da Raíña!

Moita sorte! Seguro que asistirán moitos rapaces e rapazas aos vosos partidos para animarvos!

Mil grazas por compartir o voso tempo!

 

Escoita a entrevista a Jessi "Café" na radio.

Minutos musicais!

 Esta semana, que celebraremos o Día das Bibliotecas, escoitaremos Tan só con leres un libro de Mamá Cabra, grupo de música galego.

 Porque con leres un libro mil mundos podes achar

Feliz semana e boas lecturas!

Día das Bibliotecas 2023

 

Goza con esta pequena selección de libros arredor das bibliotecas e os libros:

Día das Bibliotecas

 O 24 de outubro celebramos o DÍA DAS BIBLIOTECAS baixo o lema "BiblioTEcoida"

Durante a Hora de Ler gozamos de moitas sorpresas na Biblioteca!

 Infantil, 1º, 2º e 3º de Primaria visualizamos unha curta do conto "O incríble neno devorador de libros", escrito por Oliver Jeffers contado por antigos alumnos e alumnas e actualizada polos nenos e nenas de 6º de Primaria.

En 4º, 5º e 6º de Primaria vimos a premiada curtametraxe: "Os fantásticos libros voadores do Señor Morris Lessmore"

O cine é a sétima arte porque suma varias expresións artísticas: música, danza, artes plásticas... 

Estade moi atentas e atentos haberá máis sorpresas...

24 de outubro DÍA DAS BIBLIOTECAS

Hoxe, 24 de outubro, celébrase o DÍA INTERNACIONAL DAS BIBLIOTECAS,  recordando a destrución da Biblioteca de Sarajevo incendiada no ano 1992 durante a guerra dos Balcáns.

Alberto Moital, concelleiro de Patrimonio, Arquivo e Bibliotecas, invitounos a participar no xogo "Cita co libro" na biblioteca Torrente Ballester de Bueu.

Trátase dun xogo de pistas que consiste en adiviñar que libro se agocha nunha serie de caixas.

Anímate e participa do 21 ao 29 de outubro!

UNHA BIBLIOTECA CON RAÍCES NO CAMPO!

Co gallo do DÍA DAS BIBLIOTECAS visitamos a Biblioteca Pública de Beluso para coñecer a súa historia e as súas instalacións.

Da man de Belarmino Barreiro, arquiveiro municipal, soubemos que a Sociedade de Labregos El Progreso de Beluso, traballando todos xuntos, construíron unha casiña para as súas reunións con pedra do monte Borrallido.

Pouco a pouco, con diferentes aportacións, foise creando unha biblioteca a mediados do ano 1934. Aquí estiveron Castelao, Alexandre Bóveda, Johan Carballeira...

Despois da Guerra Civil (1936-1939) o edificio pasa ao Estado. Chegando a estar abandonado. Na década de 1970 pasa a ser unha Biblioteca estatal e arredor de 1996 encárgase do seu coidado o Concello de Bueu.

A BiBLIOTECA PÚBLICA DE BELUSO nace do campo, dos labregos, dos nosos tataravós, bisavós de persoas que pensaban que os libros son moi moi importantes para adquirir CULTURA.

A continuación, da man da bibliotecaria, Rosi, recibimos formación de usuarios e coñecemos a biblioteca.

Durante a visita, o alumnado de 1º de Primaria fíxolle unha interesante entrevista a Rosi. Descubrimos que a nosa Belusiña ten un compañeiro na biblioteca de Beluso. 

ANIMÁDEVOS A VISITALA E  DESCUBRIR A SÚA MASCOTA!

Moitísimas grazas Belarmino, Rosi e  Alberto Moital por acompañarnos neste día tan importante!

MOCHILAS VIAXEIRAS

Este venres como prólogo do DÍA DAS BIBLIOTECAS iniciaron a súa andaina as MOCHILAS VIAXEIRAS despois dun ano sin saír!

As nenas e nenos de novo ingreso recibiron o seu carné da biblioteca e as bolsiñas viaxeiras para protexer os documentos que van e veñen.

Non esquezas deixar a túa valoración, suxestións, traballo de investigación, recollida de cantigas, refráns, costumes, palabras, nomes de lugares relacionado co proxecto documental deste curso A MEMORIA DO NOSO!

18 de outubro: DÍA DAS ESCRITORAS

Iniciamos a SEMANA DA BIBLIOTECA celebrando o DÍA DAS ESCRITORAS. Lemos unha selección de textos de escritoras, sobre todo da nosa contorna.

O voluntariado de 6º repartiu polos establecementos comerciais da localidade carteis cos textos e as persoas que iamos atopando agasallabámolas coa lectura e a tarxeta.

Dia Das Escritoras 2021

Día das Bibliotecas 2020

 Este ano 2020 iniciamos a Biblioteca coa adaptación, realizada polo alumnado de 5º de Primaria, do conto ¿QUÉ LE PASA AL PLANETA? escrito e ilustrado por EVA CLEMENTE, editorial EMONAUTAS.

GOZADE COA LECTURA!

MOITAS GRAZAS A TODO O ALUMNADO DE 5º DE PRIMARIA!