MINUTOS MUSICAIS

 

Nadal de Luintra de Luar Na Lubre é unha peza musical que evoca a maxia do Nadal a través da tradición galega. A canción combina melodías suaves e instrumentos tradicionais para crear unha atmosfera cálida e emotiva, moi ligada ás celebracións propias destas datas. 

Luar Na Lubre é un dos grupos máis emblemáticos da música folk galega, coñecido por recuperar e reinterpretar sons tradicionais de Galicia, incorporando tamén influencias celtas. Ao longo da súa traxectoria, conseguiron levar a música galega a escenarios internacionais, converténdose nun referente do xénero. 

O tema transmite sentimentos de nostalxia, unión e identidade, facendo referencia ás raíces culturais e ao valor das tradicións nun momento tan especial como o Nadal. Co seu estilo característico, o grupo consegue conectar co público e manter viva a esencia da música popular galega. 

En resumo, Nadal de Luintra é unha canción que destaca pola súa sensibilidade e pola súa capacidade de transportar ao oínte a un Nadal cheo de tradición e emoción. 

MINUTOS MUSICAIS

 

A todas partes é unha das obras máis destacadas de Fillas de Cassandra en colaboración con Çantamarta onde se mesturan tradición e modernidade para crear unha proposta musical única. O tema destaca pola súa forza lírica e polo uso de elementos da cultura galega, combinados con sons actuais que conectan co público novo.

A canción fala de identidade, movemento e pertenza, transmitindo a idea de levar as raíces propias a calquera lugar. A través dunha interpretación intensa e emotiva, as artistas conseguen crear unha peza que non só se escoita, senón que tamén se sente.

En conxunto, A todas partes é un exemplo claro do novo panorama musical galego, onde se reivindica a lingua e a cultura propias cunha visión contemporánea e universal.

MINUTOS MUSICAIS

 

A colaboración entre Arrhythmia e Rebelión do Inframundo trae o single “Insaciable”, mergullando o oínte nunha atmosfera escura e in tensa. Con beats marcantes e letras que exploran desexos e conflitos internos, a pista combina a enerxía do trap con elementos máis melódicos, creando unha experiencia auditiva envolvente e visceral. O tema central da canción, a busca incesante por algo que nunca se sacia, reflicte a dualidade entre o pracer e o baleiro, característica do estilo de ambos artistas. 

MINUTOS MUSICAIS

 

Guezos (en barallete -antiga fala dos afiadores ourensáns- rapaces, nenos, cativos) naceu en 1999 como proxecto de grupo musical tradicio nal. Pouco a pouco, o grupo comezou a evolucionar cara o folk, e no 2000 grava a maqueta "Guezos" (convertida posteriormente en ál bum), e dá os seus primeiros concertos. A formación inicial estaba composta por Arturo Fernández, Xabier Do mínguez "Morta", Pablo Rodríguez, Roberto Reboiro,Anxo Fernández e Carlos Rivera "Puntxa". Estes comezan a buscaren influencias novas en eidos musicais variados como o Rock ou o Pop, de onde xorde a incorporación dunha guitarra eléctrica ao grupo.

MINUTOS MUSICAIS

 

 

Coa “Canción do Magosto” do proxecto 13 Lúas imos acompañar a semana que imos celebrar o magosto,  a festa do outono na que nos xuntamos para recoller e comer castañas, cantar e divertirse. A letra desta canción describe situacións sinxelas e alegres relacionadas coas castañas, o monte e a convivencia entre amigos e familia.

MINUTOS MUSICAS

 

 Xel Prada é un cantautor galego que destaca pola súa sensibilidade musical e polo uso da lingua galega nas súas cancións. No seu tema “Primeiro escoitar”, Xel Prada transmite unha mensaxe clara: antes de falar ou xulgar, é importante escoitar ás persoas e comprender o que senten.

A canción invita á reflexión sobre a importancia da empatía, do diálogo e do respecto nas relacións humanas. Cun estilo íntimo e emotivo, Xel Prada utiliza a música para lembrar que escoitar é o primeiro paso para entender aos demais e convivir mellor.

SAMAÍN 2025

 Un ano mais celebramos a nosa festa tradicional “O Samaín” ao longo da mañan do día 30    de outubro, pero xa durante a semana estivemos decorando as portas monstrosas, calacús  en familia, o recuncho das lecturas de medo e a decoración do corredor e entrada da ANPA. O día 30 tivemos a Santa  Compaña polos corredores do centro, a merenda terrorífica, os obradoiros Samaín e os premios para a mellor porta monstrosa e calacú. 

O     PASEO POLO CORREDOR DO ALUMNADO DE SEXTO COMO “A SANTA COMPAÑA”

· 

         CALACÚS SAMAÍN, AS PORTAS MONSTROSAS REALIZADAS POR CADA AULA E              MONSTRUÍÑOS PARA AS PAREDES DOS CORREDORES.

 

O grupo Mamá Cabra é unha banda galega de música infantil creada no ano 2000 pola profesora e música Gloria Mosquera. O grupo fai cancións para nenos e nenas mesturando música, poesía e elementos da tradición galega. As súas actuacións son moi participativas e buscan que o público cante, baile e aprenda valores a través da música.

A canción “Samaín” é un dos seus temas máis coñecidos para celebrar esta festa tradicional galega. A canción fala do ambiente misterioso e divertido do Samaín, con esqueletos, cabazas e cousas de medo, pero dun xeito alegre para os nenos. Este tema está incluído no disco “Patatín, patatán” do grupo.

Día das Bibliotecas! Teatro inaugural do PDI e da biblioteca!

 Bo día!

 O venres  24 levouse a cabo a inauguración da biblioteca para o curso 25/26 cunha obra de teatro titulada: "Belusiña e os seus amigos escapan do pasado". Esta tiña como obxectivo adicional, facer de elemento motivador e impulsor do PDI, "Belusiña, detective no tempo", polo que os trimestres adicaranse ao pasado, presente e futuro en respectiva orde. Cada curso indagará sobre un tema específico desde unha perspectiva pretérita axudando así a Belusiña e os seus amigos a escapar do tempo no que están atrapados. 

Excelente traballo das alumnas Iria, Daniella e Brais como protagonistas da obra. Esforzáronse nos ensaios durante múltiples recreos e horas de lectura. Tamén aos representantes de cada curso que contribuiron coa súa participación. Por último, ás alumnas Nora e Mariña, que elaboraron a cartelería coa que a obra foi anunciada. 

Disfrutádea! 

 

MINUTOS MUSICAIS

 

Lontreira é un grupo musical galego formado por Adriana Cores, Héctor Rodríguez (Rotce) e Iván Barral. A banda naceu en 2022 e ten raíces na Illa de Arousa e Vigo, combinando estilos como pop electrónico, ritmos latinos e influencias da música tradicional galega.

O nome Lontreira tamén procede dunha praia da Illa de Arousa, lugar que inspira moitas das súas cancións e a conexión coa natureza que aparece nas súas letras.

O seu primeiro disco chámase “Apnea” (2023). Neste álbum mesturan cancións con pequenos poemas e tratan temas como as emocións, a natureza e as experiencias da vida. Entre os temas do disco están este tema Deriva e otros como A fonte, Raposo, Camiñar camiñei ou Corazón de toxo, canción coa que gañaron o concurso “Canción do verán” en Galicia.

MINUTOS MUSICAIS

 

NAO foi un grupo galego de música rock orixinario da Estrada, Pontevedra. Estivo activo de 2005 a 2019, tempo no que editou catro álbums de estudio ademais de tres LPs. As letras das súas cancións caracterízanse polo compromiso político e a crítica social.

Membros:

·        Pablo Carracedo "Jasper": Guitarra e voz

·        Gustavo Brea "Gus": Guitarra

·        Antón Fernández "Torroncho": Baixo

·        X. Ramón Iglesias "Amós": Batería

MINUTOS MUSICAIS

 

Como estamos rematando a época da vendima que mellor que a canción “Canto da vendimia” de Treixadura. Este grupo comezou en xullo de 1990 cos gaiteiros Antón e Xan López, Xaquín Xesteira e Xabier Martínez como membros orixinais. Ao ano seguinte súmaselles Ramón Vázquez, o Chilro, e comezan a desenvolver un estilo propio que ten como eixo fundamental os ritmos, as cantigas e os instrumentos tradicionais galegos.

MINUTOS MUSICAIS

 

 

A canción Virxe do Portovello é unha proposta musical que mestura tradición, emoción e identidade galega. Interpretada por Rozalén e as  Tanxugueiras, a peza bebe das raíces da música popular galega e das cantigas tradicionais ligadas á espiritualidade e á cultura do mar.

A colaboración achega unha forza especial ao tema: mentres Rozalén aporta unha interpretación íntima e emotiva, Tanxugueiras engaden a súa característica potencia vocal e o seu estilo inspirado nas pandeireteiras tradicionais. O resultado é unha canción que conecta pasado e presente, poñendo en valor a cultura galega cun son contemporáneo.

MINUTOS MUSICAIS

 

“Voltarei” é a canción oficial que celebra o regreso do Celta a Europa. Un himno que conecta a historia do club coa de milleiros de galegos e galegas que, nos anos 50 e 60, emigraron a países como Suíza ou Alemaña na procura dun futuro mellor.

Nesta colaboración, Hard GZ rende homenaxe a esa memoria colectiva e ao orgullo de Galicia, unindo música urbana, raíces tradicionais e a paixón do celtismo nun mesmo latexar. 

O título “Voltarei” simboliza a promesa de volver: a dos emigrantes que soñaban con regresar á casa, a do club que volve a Europa, e a dunha afección que nunca abandona ao seu equipo.

MINUTOS MUSICAIS

 

A canción “Pobo de Artistas” de Dakidarría é un tema que fala da unión entre artistas e da importancia da cultura e da música en Galicia. Nesta canción participan moitos músicos e grupos galegos, creando unha obra colectiva que mostra a forza e a diversidade da escena musical do país.

MINUTOS MUSICAIS

 

Comezamos o curso con "Somos os mellores" de Monoulious DOP. Monoulious DOP é un grupo de música galego, formado por Ula e Mon en 2012, coñecido polo seu estilo irreverente que mestura rock, humor e retranca. Nados en Noia, comezaron como un proxecto exclusivo para internet, creando videoclips paródicos que evolucionaron cara a unha banda de directo enfocada na festa e a enerxía.

Graduación de 6º e fin de curso!

 Remata o curso, pero o ano continúa. O alumnado de sexto de primaria despídese dunha etapa na que comezaron a percorrer o camiño da autonomía, o razoamento estruturado e a responsabilidade. Quédanlles agora desafíos vindeiros que terán que confrontar coas ferramentas conseguidas, o que de seguro acadarán, porque todos eles e elas amosaron as súas calidades en múltiples ocasións. Moito ánimo!

 

OBRADOIRO DE MINILIBROS

Obradoiro a cargo de Electra Menéndez titulado “Creación de minilibros”. Neste obradoiro, dirixido ao alumnado de infantil e primaria, tiñan que crear un minilibro mediante a técnica do collage e partindo dunha palabra e  galego.  Empregaron para o collage espurgo bibliográfico da biblioteca.

MINUTOS MUSICAIS!

 

Rematamos os minutos musicais deste curso co grupo Monoulious DOP. Grupo Noiés de música Pop.  En 2012 publicaron o seu primeiro sinxelo, "Cansión jallejo americana", e desde entón publicaron os discos LP Padre e LP Madre, este último un compilatorio dos 12 sinxelos lanzados con anterioridade á publicación do dobre álbum. Da súa formación orixinal seguen no grupo Julio Mayo (Ula) e Xoán Montes (Mon).

FIADEIRO 2025

 Un ano máis publicamos a nosa revista escolar Fiadeiro.

MINUTOS MUSICAIS!

Festicultores Troupe é un proxectode vangarda que busca innovar dentro dos pasarrúas, desmarcándose por completo do resto de charangas xa existentes, achegando un espectáculo para bailar todos os públicos

Visita á Ecogranxa Ríomouro

 As nenas e nenos de Infantil visitamos o pasado martes 3 de xuño a Ecogranxa Ríomouro en Poio.

O autobús e parte do prezo da excursión foron subvencionados pola Deputación de Pontevedra dentro do programa ambiental "Vive o Rural 2025".

Na ecogranxa interactuamos cos animais e participamos nos seus coidados, alimentándoos, peiteándoos, recollendo ovos...

Na horta, plantamos leitugas, sachamos, regamos e coñecemos o nome de diferentes plantas.

E tamén realizamos xogos colaborativos.

A merenda e a comida estaban riquísimas! E, por suposto, eran moi saudables!

Foi unha xornada moi especial e divertida!

MINUTOS MUSICAIS!

 

Álex Cassen é un artista vigués cuxas obras zumegan honestidade. Logo de publicar dous poemarios, o artista decidiu afondar na disciplina que máis lle apaixona desde pequeno; a música. “Las cartas sobre la mesa” (2025) é o seu primeiro EP, un traballo no que Cassen leva a electrónica por bandeira, sen estar encasillado nun só xénero. O artista narra as súas vivencias dun xeito tan íntimo como universal, polo que calquera persoa poderá sentirse identificada coas súas letras

MINUTOS MUSICAIS!

 

' Equilibrar' representa "a unión de dúas das grandes figuras" da música en galego actual. Hugo Guezeta e Guadi Galego xúntase para buscar a balanza entre o pasado e o presente nun sinxelo producido por Peter Petrowski e que conta co acompañamento ás guitarras de Arón Ferreiro (AROI). O videoclip está dirixido por Adrián Diaño

MINUTOS MUSICAIS!

 

Poema "Aí vén o Maio" de Florencio Delgado Gurriarán, musicado e interpretado

polo alumnado do Ceip Julio Gurriarán (O Barco de Valdeorras).

DÍA DA MUIÑEIRA

Rematamos a Semana das Letras Galegas co Día da Muiñeira. Este ano bailamoa a "Muiñeira do Areal" versionada  A Sombra dos Soños, grupo de rock galego e en galego.

SEMANA DAS LETRAS GALEGAS

Este curso celebramos aSemana das Letras Galegas coas as seguintes actividades previo ao día da muiñeira:    

·    Luns, 12 de maio.
Actividade: Charla Cofraría de Bueu.
Cursos: Educación Infantil e Educación Primaria

·    Martes, 13 de maio.
Actividades:  Marcapáxinas e traballar as  Unidades Didácticas do Seminario Galán e os carteis enviados por Educación.

 

·    Mércores, 14 de maio.
Actividade: Visita das Cantareiras da Asociación Cultural Retrouso. Entrevista alumnado de sexto a Paula e Alba de Retrouso.
Cursos: 3°,4°,5° e 6°.

 

·    Xoves, 15 de maio.
Actividade:  Obradoiro "Música de  raíz" impartido por Xabier Blanco.
Cursos: Infantil, 1° e 2°.

MINUTOS MUSICAIS!

 

A Sombra dos Soños é un proxecto de rock en galego formado por músicos que xa tocaran xuntos noutros proxectos, como Requiem ou Khitara.

A agrupación móvese entre diferentes estilos de rock e metal con influencias variadas que abranguen desde o rock dos 70 ata o folk galego, pasando por momentos máis progresivos e outros máis acústicos.

Este ano bailamos a súa versión da Muiñeira do Areal o Día da Muiñeira na Semana das Letras Galegas.

CORRELINGUA 2025

O martes 7 de maio celebramos, en Cangas, o Correlingua 2025! Reunímonos todos os centros ao lado da Praza de Abastos e fixemos unha marcha ata o aparcamento da praia de Rodeira. Unha vez alí, despois de merendar, o alumnado dos IES de Cangas leron o manifesto a favor da lingua e rematamos cunha gran actuación de Paco Nogueiras na que cantamos e bailamos.

MINUTOS MUSICAIS!

Francisco Nogueiras Nodar, coñecido artisiticamente como Paco Nogueiras, nado en Santiago de Compostela en 1970, é un actor e músico galego.

MINUTOS MUSICAIS!

 Zavala é o proxecto musical de Carla Romalde (voz, frauta traveseira), Ana Lage (baixo, piano, acordeón, coros), Elena Zas (piano, viola, coros), Carlos “Kos” Castro (programacións, bases, visuais) e Víctor Ledo (guitarra, coros).

A banda mestura os aspectos máis orgánicos e melódicos da música con texturas e bases electrónicas, sons contemporáneos con matices, ás veces, do tradicional. As letras, intimistas e persoais, colorean o amplo abano musical, que vai desde o máis acústico e simplista a pasaxes máis sintéticas.

Este tema "Retrouso do Barqueiro" tamén colaboran as cantareiras Atalaias de Caión.

MINUTOS MUSICAIS!

 

Treixadura comezou en xullo de 1990 cos gaiteiros Antón e Xan López, Xaquín Xesteira e Xabier Martínez como membros orixinais. Ao ano seguinte súmaselles Ramón Vázquez, oChilro, e comezan a desenvolver un estilo propio que ten como eixo fundamental os ritmos, as cantigas e os instrumentos tradicionais galegos.

MINUTOS MUSICAIS!

 

NAO foi un grupo galego de música rock orixinario da Estrada, Pontevedra. Estivo activo de 2005 a 2019, tempo no que editou catro álbums de estudio ademais de tres EPs. As letras das súas cancións caracterízanse polo compromiso político e a crítica social

Membros:

·        Pablo Carracedo "Jasper": Guitarra e voz

·        Gustavo Brea "Gus": Guitarra

·        Antón Fernández "Torroncho": Baixo

·        X. Ramón Iglesias "Amós": Batería

MINUTOS MUSICAIS!

Carlos Núñez Muñoz, nado en Vigo o 16 de xullo de 1971, é un músico galego recoñecido como intérprete de gaita galega, frauta galega, ocarina, frauta irlandesa,^[1] whistle^[2] e low whistle