MINUTOS MUSICAIS!

 

Zeltia Irevire é unha banda galega cun estilo de autor único que se nutre de xéneros coma o folk ou o blues.

Formada no ano 2019 en Santiago de Compostela. Denominan o seu estilo propio como “Folk Tribal”, situándoo dentro das Músicas do Mundo.

Caracterízase pola sólida sonoridade dos instrumentos acústicos (bodhran, caixa de pimentón, violín, guitarra acústica e bouzouki), que se mesturan con outros sons máis electrónicos (sintetizador de baixo, pedais de efectos…). A composición das súas letras toman como referencia a sabedoría popular e reivindican a defensa do patrimonio cultural e natural de Galicia.

As súas integrantes son:

            —  Zeltia Acuña: voz e guitarra acústica.

            —  Migui Carballido: coros, bouzouki, bodhran e outras percusións.

            —  Cibrán Seixo: violín e sintetizador de baixo.

MINUTOS MUSICAIS!

 

Dakidarría é unha banda galega de música, creada no ano 2003 entre Nigrán e o Val Miñor, que fusiona ska, punk e reggae.

As súas letras comezaron sendo en castelán pero, co paso dos anos, a banda foi tomando conciencia do problema lingüístico en Galiza e comezaron a gravar as súas cancións en galego, ademais de ter cantado noutra decena de linguas durante a súa traxectoria. As súas letras lanzan unha mensaxe de crítica política e social contra o capitalismo, a globalización, o consumismo e a alienación, e defendendo o internacionalismo, a liberdade dos pobos e a diversidade cultural.

 Membros en activo:

            - Gabriel Reigosa (guitarra e voz principal).

            - Iñaki (guitarra e voces)

            - Antón Torroncho (baixo).

            -  Paulinha (Trombón e voces)

            - Jorge Guerra (batería)

            - Anxo Iglesias (saxo barítono)

            - Joaquín Fuentes "Juaqui" (trompeta e voces)

            - Laura Mercy

            - Pol (mesturas e voces)

MINUTOS MUSICAIS!

 Para conmemorar o Día Internacional da Muller, 8M, escollemos o "Himno feminista" do grupo Habelas Hainas.

Habelas Hainas nace en Compostela en 2010, tempo no que se cruzan os camiños destas catro músicas de raíz galegas, crebacabezas musical e persoal que se sinte parte dunha tradición longa, viva e en permanente transformación, da que xorde a natural necesidade de se expresar, dende unha ollada feminista e social, explorando outras músicas, experimentando coa tradición e creando un son propio, fresco, enérxico e orixinal nunha intensa traxectoria como músicas ao vivo.

Integrantes do grupo:

Sandra Tamayo: acordeón, gaita e pandeiro cadrado.

Patricia Gamallo: gaita, pandeiro cadrado e guitarra.

Arantza Alfaia: tamboril, caixón peruano,ferriños e derbuka.

Jara Ortiz: voz, bombo, pandeireta e crótalos árabes.