Un ano máis o noso alumnado desexa compartir con toda a comunidade educativa o Festival de Nadal. 🌲
Estimada comunidade educativa:
Compartimos con vós o programa do Festival de Nadal deste curso 🌲
O festival este ano é virtual e estará dispoñible aquí, no blog da Biblioteca do colexio, dende o martes 22 ás 9h.
O solsticio de inverno de 2020 terá lugar hoxe, 21 de decembro.
No hemisferio norte os días fóronse acortando e as noites alongándose. Hoxe é o día máis curto do ano e en consecuencia a noite máis longa, pero a partir de mañá os días empezarán a medrar.
Esta tarde tamén terá lugar un fenómeno chamado "ESTRELA DE NADAL": Xúpiter e Saturno estarán alineados.
Visualiza estes vídeos para saber máis:
Coa chegada do inverno, no Cebreiro, ao ver un paporroibo, din que nos visita para lembrarnos que por moi pequeniño que sexas se levas o lume ben encendido no corazón non hai frío que te conxele.
Nesta semana, na que o Nadal chama as nosas portas e con el as vacacións, escoitaremos unha fermosa melodía que moitos de vós recordaredes como o "vals da lotería" xa que durante nove anos foi a banda sonora do anuncio da lotería de Nadal.
Esta música, composta polo músico francés Maurice Jarre, ademais forma parte da oscarizada película Doctor Zhivago, que, entre outros, obtivo o Óscar á Mellor Banda Sonora.
Os mellores desexos para o 2021!!
Compartimos con todos e todas vós as GUÍAS DE LECTURA elaboradas pola Coordinadora dos Equipos de Dinamización Lingüística do Morrazo, da que formamos parte.
As guías están adaptadas a Infantil, Primaria, Secundaria e persoas adultas.
Libros e música queren estar nas vosas cartas para Papá Noel e os Reis Magos!
Moitas grazas ANUM ZAHRA pola ilustración e a Deputación de Pontevedra pola edición.
Animámosvos a mercar na nosa vila e nas librarías de proximidade:
"MOVE O CORAZÓN DA TÚA VILA:
VISITA A TÚA LIBRARÍA!"
Xa está aquí o CALENDARIO 2021, destacando celebracións especiais de cada mes. Fermosísimo traballo colaborativo elaborado por todo o alumnado do centro.
Gozade coa exposición de EGAGRÓPILAS DE AVES RAPACES NOCTURNAS.
As egagrópilas son bólas ou pelotas formadas polos restos de alimentos non dixeridos que algunhas aves rapaces regurxitan.
Normalmente conteñen ósos ou pelame que as aves non poden dixerir.
Son moi útiles para saber o tipo de alimentación dos distintos xéneros de aves.
É moi habitual entre bufos e curuxas.
MIL GRAZAS SOFÍA POR CEDERNOS AS EGAGRÓPILAS!
Nesta semana, preto do Nadal e das vacacións, escoitaremos a alegre panxoliña "A luz do Nadal" con letra de Antonio García Teijeiro e música do grupo Mamá Cabra. Incluída no libro-disco "Xa me tardan estes Magos".
BOA SEMANA!!!
Sabela de 5º de Primaria estivo investigando sobre FLORENCE NIGHTINGALE, a enfermeira máis famosa do mundo, nestes tempos nos que o persoal sanitario é tan importantísimo:
Moitas grazas Sabela por explicarnos tan fermosa biografía!
Acto de entrega virtual da Distinción do Sello CCB 2019:
O noso centro foi o gañador na modalidade de Bibliotecas Escolares de Primaria. Felicitar ao IES Celanova, Celso Emilio Ferreiro gañador na modalidade de Secundaria.
Carlota de 5º de Primaria recoméndanos a lectura de "Cuentos de buenas noches para chicas rebeldes" que podedes atopar na sección 92 da nosa biblioteca. Nos libros aprendemos
Mil grazas Carlota por darnos a coñecer a esta fantástica muller!
NEVES de 5º de Primaria preséntavos a biografía de IRENA SENDLER, a partir da lectura do libro: "Las chicas son guerreras". Este libro está na nosa biblioteca na sección 92... Anímate a ler!
Mil grazas Neves por dar a coñecer a mulleres importantes da historia!
As mulleres veñen para quedarse forever and ever.
CANDELA de 5º de Primaria quere compartir con todas e todos nós esta pequena biografía de ASHLEY FIOLEK, do libro "Cuentos de buenas noches para niñas rebeldes" que podes atopar na nosa biblioteca na sección 92 de Biografías.
Voltamos con Beethoven e a súa 6ª Sinfonía"Pastoral", nesta semana escoitaremos o terceiro movemento onde o compositor quere describir unha "alegre reunión de campesiños".
Podédela escoitar neste video da película "Fantasía"
Manteñamos vivo o chan, protexamos a biodiversidade!
O Día Mundial do Chan 2020 (# DíaMundialdelSuelo) ten por obxecto crear conciencia da importancia de manter os ecosistemas sans e o benestar humano, loitando contra a perda da súa biodiversidade, aumentando a conciencia sobre a súa importancia.
Debemos comprometernos a mellorar proactivamente a saúde do chan.
O 3 de decembro é o DÍA INTERNACIONAL DA disCAPACIDADE, aínda que nos gusta máis dicir que é o DÍA INTERNACIONAL DA DIVERSIDADE FUNCIONAL, xa que cada persoa ten diferentes capacidades.
Levamos a cabo a II CONEXIÓN BIBLIOTECA, en directo para todas as aulas, familias, persoal non docente, presentado por Leire e Álex, voluntarios de 6º.
Despois da presentación, gozamos coa gravación do conto: POR CUATRO ESQUINITAS DE NADA (escrito e ilustrado por Jérôme Ruillier, Editorial Juventud) empregando a mesa de luz que realizaron un grupo de nenas e nenos de 5º de Primaria.
A continuación visualizamos un vídeo donde o alumnado de 2º de Primaria, nos presentou o seu traballo de investigación sobre a "Accesibilidade en Beluso" logo da súa saída pola localidade con cadeira de rodas e andador.
Visitade o blog de Orientación para participar no reto que nos propuxeron! http://montemogosorienta.blogspot.com/2020/12/3d-dia-internacional-das-persoas-con.html
NOVEMBRO MES DA CIENCIA!
Este curso 2020-2021 convidámosvos a participar gravando experimentos en familia, convertendo os vosos espazos en laboratorios.
PARABÉNS ÁS NOSAS CIENTÍFICAS E CIENTÍFICOS! SON XENIAIS!
MIL GRAZAS FAMILIAS POLA VOSA PARTICIPACIÓN!
Lucía de 6º Infantil: Expansión dos líquidos
Violeta de 3º e Lois de 1º de Primaria: Volcán
Antía de 2º de Primaria: Inflado de globo
Aixa de 2º de Primaria e Elba de 6º de Infantil: Debuxo flotante
Maxia cun debuxo no papel
Alejandra de 6º e Leo de 4º de Infantil: Densidades
Refracción
NOVEMBRO MES DA CIENCIA!
Qué divertido é ser científico ou científica: observar, experimentar, formular hipóteses...
As aulas, os espazos naturais... transfórmanse en laboratorios.
As nenas e os nenos de 4º de Infantil invítanvos a investigar:
Hoxe, 27 de novembro, chegou a primeira impresora 3D ao colexio da man da Asesoría de Bibliotecas Escolares ao formar parte, por segundo ano, do programa de Bibliotecas Creativas.
Aquí vos deixamos un pequeno vídeo da primeira peza creada con ela . Se ao profesorado nos fixo ilusión ver a primeira peza, estamos desexando que o alumnado aprenda o seu manexo e vexa saír as súas creacións.
Está instalado no patio un composteiro de maior capacidade para continuar reciclando os residuos orgánicos, xa que participamos no Programa REVITALIZA da Deputación de Pontevedra.
Fomos noticia:
https://www.farodevigo.es/o-morrazo/2020/11/26/montemogos-transforma-comedor-compost-25602131.html
https://concellodebueu.gal/o-concello-de-bueu-instala-un-novo-composteiro-no-ceip-montemogos-de-beluso/
Temos que conseguir o reto de RESIDUOS CERO! PARTICIPA!
Hoxe, 25 de novembro, celebramos o Día Internacional contra a Violencia de Xénero, unha xornada dedicada a facernos reflexionar sobre os distintos tipos de violencia que sofren miles de mulleres de todo o mundo.
O día conmemora o asasinato das irmás Mirabal en 1960, coñecidas como "As Bolboretas": Patria, Minerva e María Teresa.
Nesta data fixemos a primeira "CONEXIÓN BIBLIOTECA" con Anxo e Xoel, de 6º de Primaria como encargados da presentación da videoconferencia en directo con todas as aulas do colexio e as familias. Durante a videoconferencia visionamos "O tempo das Bolboretas", un libro de produción propia elaborado por un grupo de alumnas e alumnos que xa están no Instituto e fixemos un minuto de silencio polas vítimas da violencia de xénero.
Foi todo un reto!
"O TEMPO DAS BOLBORETAS":
Nas aulas moi atentas e atentos:
Tamén participamos no I Concurso de lemas contra a Violencia de Xénero da Xunta de Galicia con alumnado de 6º de Primaria con este lema:
Os libros dos expositores están agardando que os leades. Recordade, avisar á vosa profe que, con agarimo, volos prestará.
Máis información no blog de Orientación:
https://montemogosorienta.blogspot.com/2020/11/25n-dia-internacional-contra-violencia.html
Nacións Unidas celebra o Día Universal do Neno e a Nena o 20 de novembro, data na que a Asemblea Xeral da ONU aprobou a Declaración dos Dereitos da Nena e o Neno en 1989.
Podedes ler os Dereitos ilustrados por Quino, creador de Mafalda:
https://www.unicef.org/lac/historias/10-derechos-fundamentales-de-los-ni%C3%B1os-por-quino
Unha pequena bibliografía:
Continuamos coas exposicións orais do Sistema Solar polo alumnado de 5º de Primaria. Nesta ocasión son Álvaro e Xulián.
Prestade atención!!!
MOITÍSIMAS GRAZAS! PARABÉNS
O 16 de novembro celébrase o DÍA INTERNACIONAL DO PATRIMONIO MUNDIAL impulsado pola UNESCO co obxectivo de celebrar e coidar o patrimonio e a diversidade cultural.
O Patrimonio Mundial está constituído por todos os bens naturais e culturais que existen no mundo e que forman parte da riqueza e da herdanza de toda a humanidade: monumentos, cidades, paisaxes, arte, música, danza, linguas, ecosistemas, bosques, fauna, vexetación, montañas...
Visualiza este vídeo e reflexiona... ESTÁ NAS TÚAS MANS!
O Museo Massó acaba de incorporar a súa colección O HERBARIO DE ALGAS de E. BONNING, publicado no século XIX e feito por unha científica.
O poeta FRANCISCO BRINES (Oliva, Valencia, 1932) é o autor galardonado co PREMIO CERVANTES 2020, galardón máis importante da literatura en español.
Francisco Brines é un poeta intimista da Xeración do 50 e "maestro de la poesía española actual y magisterio reconocido por todas generaciones que le suceden" destacando a súa "aspiración de belleza e inmortalidad"
Nesta semana, que comeza có "Día Internacional para a Tolerancia" (16 de decembro) e remata co "Día da Infancia"(20 de novembro), escoitaremos a canción "JERUSALEMA" interpretada polos artistas africanos Master K e Nomcebo. Canción que se está facendo viral gracias á coreografía pegadiza e alegre do grupo de nenos e nenas de Masaka Kids Africana. ONG que acolle a nenos e nenas orfos de Uganda (a sida, a pobreza extrema e o conflicto civil que leva décadas vixente, fan que Uganda sexa o país con máis nenos e nenas orfos do mundo (máis de 2´4 millóns).
A danza é unha terapia para eles: «Bailamos pola risa, bailamos polas lágrimas, bailamos pola loucura, bailamos polos medos, bailamos polas esperanzas, bailamos polos gritos, somos os bailaríns, creamos os soños».Esta é a súa filosofía e así o fan saber na súa páxina web
DISFRUTADE DA MÚSICA E ANIMÁDEVOS A BAILALA!!!
Hoxe foi un día especial no noso cole, celebramos o MAGOSTO!
Respectando as medidas de seguridade, participamos nun magosto diferente, saímos ao patio e gozamos cos xogos populares: a mariquitilla (mariola), a petanca, os bolos, tragacastañas, circuítos mantendo o equilibrio cunha culler e unha castaña, tres en raia humano, tira ao círculo con castañas, coloreamos castañas para poñer nuns castiñeiros...
Decoramos preciosas pedras para xogar á mariquitilla, chamadas mariquita, tella, pedra... Elaboramos as pelotas para a petanca, os bolos
As rapazas e rapaces de 4º de Primaria bailaron e cantaron o RAP DO MAGOSTO, de Paco Nogueiras, do seu álbum Brinca Vai!
Foi unha xornada moi moi divertida!
Na biblioteca, podedes escoitar este disco e ollar este precioso libro sobre os xogos populares:
O 13 de novembro celébrase, desde o ano 2011, o Día das Librarías promovido por CEGAL e a Dirección Xeral do Libro e Fomento da Lectura do Ministerio de Cultura e Deporte.
Este é un bo ano para pór en valor as librarías de proximidade, espazos que van máis alá da venda de libros, transformándose en motores culturais da comunidade.
Librarías con profesionais que entenden a literatura como algo non supeditado ás modas.
Libreiros e libreiras que consiguen o imposible, que nos axudan a conformar unha colección rigorosa nas nosas bibliotecas.
Librarías que son espazos de acubillo para alumnado e familias, con múltiples actividades compartidas.
E ti, de que libraría vés sendo?
Continuamos, neste Mes da ciencia, coas exposicións orais sobre "O Sitema Solar" polo alumnado de 5º de Primaria.
Hoxe a quenda foi para Iria, Sheila e Neves, que aproveitaron o bo tempo para mostrarlle no patio o seu traballo aos nenos e nenas de Infantil.
GRAZAS E PARABÉNS!!!!
Carlota, Lucía, Asier e Hugo preséntannos o seu traballo de investigación sobre O SISTEMA SOLAR. Prestade moita atención!
PARABÉNS! MARABILLOSO TRABALLO!
Hoxe, aproveitando que o sol brillaba, relizaron unha magnífica presentación para os compañeiros e compañeiras de 2º no patio.
MIL GRAZAS!
Nesta semana de San Martiño e de Magosto ,"Por San Martiño faise o magosto con castañas asadas e viño ou mosto", escoitaremos unha canción do disco "13 Lúas". Trátase dun CD e DVD no que o ciclo do ano aparece como eixe para incorporar as doce cancións que están incluídas nesta obra. Cadansúa fai referencia a un mes do ano e as súas especificidades dentro das tradicións galegas.
O alumnado de 5º de Educación Primaria inicia, esta semana, unha serie de Exposicións Orais sobre O SISTEMA SOLAR apoiándose nas maquetas realizadas.
Moi bo traballo Candela e Sabela! Parabéns!
O mes de novembro é moi especial porque é o MES DA CIENCIA.
No manifesto escrito por Xurxo Mariño di:
"Está en todas partes. Dentro do teu ordenador, no microondas e na neveira da cociña, en todos os medicamentos que tomamos de cando en vez, nos instrumentos de medición que hai nos hospitais, nas lámpadas que dan luz cando marcha o Sol, no motor do coche e do patinete eléctrico... chámase ciencia e é unha das ferramentas máis poderosas que desenvolvemos os seres humanos..."
Desde a Asesoría de Bibliotecas Escolares comparten unha recompilación de recursos relacionados coa ciencia:
Recompilación de materiais de ciencia en galego.
Libros informativos en galego.
Ven á nosa biblioteca e goza coa lectura de libros de ciencia, ficción e non ficción!
Esperámoste!
