MINUTOS MUSICAIS

O Menos Malo e o seu primeiro tema de presentación do grupo Tapa de Orella, dúo musical galego formado a principios de 2026 polos recoñecidos artistas e creadores de contido Willow GHZ e Pappaquino. O proxecto destaca pola súa fusión de música urbana, electrónica, retranca, humor e unha fortísima conexión coa cultura dixital e a mocidade a través das redes sociais. 

MINUTOS MUSICAIS

 

 

 

 

 

O Día das Letras Galegas celébrase cada 17 de maio para homenaxear a lingua e a literatura de Galicia.
Esta festa cultural lembra cada ano unha autora ou autor que destacou pola súa contribución ao galego.
Nas escolas e vilas organízanse recitais, concertos e actividades para achegar a nosa cultura á mocidade.
A música tamén forma parte desta celebración, transmitindo orgullo e identidade a través das cancións.
Un exemplo é “Himno das Letras Galegas”, de Marina Sánchez, unha peza emotiva que honra a forza da nosa lingua.
Con ela, as Letras Galegas convértense nun símbolo de unión, memoria e amor pola cultura galega.

SEMANA DAS LETRAS GALEGAS

 

 

 

 SEMANA DAS LETRAS GALEGAS EN FOTOS

 

 

 

  

  

 

 

 

  

 

 

 

 

 

CORRELINGUA 2026

 

CORRELINGUA DO MORRAZO 2026

Xoves, 7 de maio. Moaña

● 9:45-10:00: chegada do autobús

● 10:20 h: saída da marcha (zona da Xunqueira)

● 10:55h: comeza a chegada. Merenda (caixa de música)

● 11:00: Despedida dos centros (Fran Rei)

● 11:20 h.: lectura do manifesto (IES de Moaña*)

● 11:40 h: Actuación de Mekanika Rolling Band

● 12:30h: despedida de Correlingua

● 12:40-13:15 h: saída de dous autobuses

 

 

 FOTOS DO CORRELINGUA 2026

 

 

 

 

 

MINUTOS MUSICAIS

Os maios son unha festa tradicional galega que celebra a chegada da primavera con flores, música e coplas populares. En moitas vilas e cidades de Galicia créanse figuras feitas con plantas, fiúnchos e froitas para adornar as rúas. A música acompaña esta celebración con cantigas satíricas e alegres que falan da vida cotiá e das costumes do pobo.
A canción Os Maios do grupo Habelas Hainas recupera o espírito popular desta tradición galega.Esta festa segue viva grazas ás persoas que manteñen as tradicións e transmiten a cultura galega ás novas xeracións.

MINUTOS MUSICAIS

 

Sheila Patricia é unha das voces emerxentes máis interesantes da música galega actual, destacando pola súa capacidade para fusionar tradición e modernidade. A súa proposta artística bebe das raíces da música popular galega, incorporando sons contemporáneos e unha forte identidade propia.

Un bo exemplo deste estilo é a súa canción Ribeirana, unha peza que evoca a vida e a cultura das zonas costeiras de Galicia. A través dunha melodía envolvente e unha interpretación chea de sensibilidade, Sheila Patricia consegue transmitir emocións ligadas ao mar, á terra e á memoria colectiva. Ribeirana non só é unha canción, senón tamén unha homenaxe á identidade galega, conectando co público tanto pola súa autenticidade como pola súa beleza sonora.

MINUTOS MUSICAIS

 

A canción “O son do ar” do grupo galego Luar na Lubre é unha das pezas máis emblemáticas da música celta de Galicia. Inspirada na tradición musical galega, combina melodías evocadoras co uso de instrumentos tradicionais como a gaita, creando unha atmosfera máxica e profunda que conecta coa identidade cultural do país.

Luar na Lubre, fundado na Coruña en 1986, é un dos grupos máis importantes do folk galego. Ao longo da súa traxectoria destacaron pola recuperación e reinterpretación da música tradicional, así como pola creación de composicións propias que manteñen viva a esencia cultural de Galicia. O seu son caracterízase pola mestura de instrumentos tradicionais e modernos, e pola súa capacidade para emocionar tanto en Galicia como en escenarios internacionais.

O autor da música de “O son do ar” é Bieito Romero, fundador e alma do grupo. Ademais de gaiteiro e compositor, Romero foi clave na difusión da música galega contemporánea, achegando un estilo propio que combina tradición e innovación. A súa obra destaca pola sensibilidade melódica e pola conexión coa paisaxe e a cultura galega.

A proxección internacional da peza chegou cando o recoñecido músico británico Mike Oldfield adaptou a melodía na súa obra “The Song of the Sun”, incluída no álbum Voyager (1996). Esta versión levou o son galego a audiencias de todo o mundo, convertendo a peza nun símbolo da fusión entre música tradicional e contemporánea.

Hoxe en día, “O son do ar” segue a ser unha referencia imprescindible da música galega e un exemplo de como as raíces locais poden acadar unha dimensión global grazas ao traballo de artistas comprometidos coa súa cultura.

21 DÍAS EN GALEGO

 

Por segunda neste centro imos a poñer en marcha ”21 DÍAS EN GALEGO” no noso centro. A idea partiu do IES da Pobra do Caramiñal no ano 2013 e fóronse unindo a este programa centros do Morrazo e Galicia ao longo destes anos.

Do luns 03 ao domingo 23 de marzo, este centro botará a andar o programa de 21 DÍAS EN GALEGO, no que pretendemos que a nosa Comunidade Educativa se comunique, dentro e fóra do centro, as 24 horas do día en galego.

Para conseguir este obxectivo escribimos cartas ás familias, informamos ao alumnado que asinaron un papel de compromiso voluntario, creamos un pasaporte 21 Días en Galego no que cada día que cumprían o compromiso conseguían un selo. Os que consigan os 21 selos desfrutarán dunha actividade sorpresa no terceiro trimestre.

 

 

 

ENTROIDO 2026

 ENTROIDO 2026

A orixe do entroido ten lugar nas festas de transición no agro, intimamente realacionadas co cambio de estación do inverno á primavera.

O entroido, antroido ou entruido, ten a súa orixe etimolóxica na palabra latina "introitus", que fai referencia ao rexurdimento da vexetación e ao inicio da primavera. Nada ten que ver coa orixe da palabra carnaval (que non ten documentación en Galica). Carnaval é tamén de orixe latina e fai referencia ao prncipio da Coresma. Carnaval é unha deturpación de dúas palabras do latín vulgar: "carne" e "levare" que significan literalmente, levar a carne, un precepto da tradición sudeo cristiá durante a Coresma previa a Pentecostés. 

O uso da forma entroido en lugar da forma carnaval ndícanos que as celebracións en Galicia teñen unha significación anterior á das celebracións cristiás, máis vinculadas ás colleitas e á forma de vida rural.

Comezamos o noso entroido cos mandados de Belusiña de luns a xoves. O venres sairemos a rúa para festexar e cantar as nosas coplas.

MANDADOS DE BELUSIÑA

LUNS 

Fai unha viaxe ao pasado, 

traendo na cabeza un sombreiro ou un tocado.

MARTES

Vive o presente con "sabrosura",

traendo algo na cintura.

MÉRCORES

Se no futuro queres pisar a cama,

ven este mércores en bata ou en pixama.

XOVES

Para rematar estes mandados,

vir libremente disfrazados.

DÍA INTERNACIONAL DA PAZ 2026

 

DÍA INTERNACIONAL DA PAZ 2026

Hoxe, 30 de xaneiro, celebramos un ano máis o Día Internaciona da Paz. O Día Internacional da Paz foi creado en 1981 pola Asemblea Xeral das Nacións Unidas (ONU) e comezou a celebrarse en 1982. Con a celebración deste día quérese promover a paz, a convivencia pacífica e a non violencia entre os pobos, así como para lembrar a importancia do diálogo fronte aos conflitos. Un valor fundamental que cobra aínda máis importancia nos momentos difíciles que estamos a vivir no mundo. Situacións como as que se viven en Gaza, ou noutros lugares do planeta como Ucranía, lémbrannos cada día a necesidade de educar na empatía, o respecto e a convivencia desde idades temperás. Por iso, hoxe celebramos este día tan especial coa alegría e a ilusión dos máis pequenos.

Para festexar este día fixemos varias actividades:

 

·       Literatura da Paz: Seleccionamos obras literarias sobre a temática da Paz e  estiveron a disposición da Comunidade Educativa nun recuncho da entrada ao centro.

·       Adiviña o enigma: O longo da semana o alumnado  tiveron que resolver enigmas en verso agochados polo centro. Unha vez resolto, tiveron que pegalo nun cartel conmemorativo desta data  ubicado no corredor do centro.

·       Dar a lata pola Paz: O propio día realizamos unha coreografía e cantamos todos xuntos no ximnasin. Cantamos a canción, traducida ao galego , “Latas pola Paz. Canción impulsada pola asociación Admundui coa colaboración de Pepe Begines, dentro do proxecto educativo “Latas pola Paz” dos colexios de Málaga. Empregaremos para o acompañamento da canción, unhas latas como instrumento, nas que ían inscritas a palabra Paz en diferentes linguas do mundo e en linguaxe de signos. Posteriormente, as latas quedarán expostas na entrada do centro  a Comunidade Escolar.

FOTOS

MINUTOS MUSICAIS

 

O tema Costa de Caión preséntase como unha peza delicada e evoca dora, onde o mar galego serve de fío condutor emocional. A súa atmosfera pausada e envolvente constrúe unha escoita íntima, na que a paisaxe se transforma en sentimento. 

Interpretada por Leria e Yago Corral, a canción destaca pola complicidade entre ambos, cunha interpretación sutil que pon en valor o silencio e os pequenos matices. A presenza do galego reforza esa conexión directa coa terra e coa memoria. 

Publicada baixo o selo Discomotor, Costa de Caión encaixa nunha liña artística que aposta pola experimentación suave e pola identidade local. O resultado é unha peza que, desde a sinxeleza, consegue transmitir profundidade e emoción.

Nadal 2025

 Bo día!

 

Subimos os vídeos do Festival de Nadal do 2025. Están separados por cursos! (Está a faltar o de 6º de primaria porque temos unhas dificultades técnicas co formato, polo que o subiremos en canto se resolva).

Presentando a Infantil!

Presentando a 1º de Primaria!

 

 

Presentando a 2º de Primaria! 

 

Presentando a 3º de Primaria!

 Presentando a 4º e 5º de Primaria! 

Presentando a 5º de Primaria! 

MINUTOS MUSICAIS

 

“Sísamo” de Baiuca é unha peza de folktrónica galega que destaca pola colaboración coa cantante Antía Ameixeiras, cuxa voz tradicional guía o tema. A canción combina elementos do folclore galego con produción electrónica moderna, contando tamén con músicos como Xosé Lois Romero e Lucas de Centi, o que reforza o seu carácter híbrido entre tradición e vangarda.

MINUTOS MUSICAIS

 

Nadal de Luintra de Luar Na Lubre é unha peza musical que evoca a maxia do Nadal a través da tradición galega. A canción combina melodías suaves e instrumentos tradicionais para crear unha atmosfera cálida e emotiva, moi ligada ás celebracións propias destas datas. 

Luar Na Lubre é un dos grupos máis emblemáticos da música folk galega, coñecido por recuperar e reinterpretar sons tradicionais de Galicia, incorporando tamén influencias celtas. Ao longo da súa traxectoria, conseguiron levar a música galega a escenarios internacionais, converténdose nun referente do xénero. 

O tema transmite sentimentos de nostalxia, unión e identidade, facendo referencia ás raíces culturais e ao valor das tradicións nun momento tan especial como o Nadal. Co seu estilo característico, o grupo consegue conectar co público e manter viva a esencia da música popular galega. 

En resumo, Nadal de Luintra é unha canción que destaca pola súa sensibilidade e pola súa capacidade de transportar ao oínte a un Nadal cheo de tradición e emoción. 

MINUTOS MUSICAIS

 

A todas partes é unha das obras máis destacadas de Fillas de Cassandra en colaboración con Çantamarta onde se mesturan tradición e modernidade para crear unha proposta musical única. O tema destaca pola súa forza lírica e polo uso de elementos da cultura galega, combinados con sons actuais que conectan co público novo.

A canción fala de identidade, movemento e pertenza, transmitindo a idea de levar as raíces propias a calquera lugar. A través dunha interpretación intensa e emotiva, as artistas conseguen crear unha peza que non só se escoita, senón que tamén se sente.

En conxunto, A todas partes é un exemplo claro do novo panorama musical galego, onde se reivindica a lingua e a cultura propias cunha visión contemporánea e universal.

MINUTOS MUSICAIS

 

A colaboración entre Arrhythmia e Rebelión do Inframundo trae o single “Insaciable”, mergullando o oínte nunha atmosfera escura e in tensa. Con beats marcantes e letras que exploran desexos e conflitos internos, a pista combina a enerxía do trap con elementos máis melódicos, creando unha experiencia auditiva envolvente e visceral. O tema central da canción, a busca incesante por algo que nunca se sacia, reflicte a dualidade entre o pracer e o baleiro, característica do estilo de ambos artistas. 

MINUTOS MUSICAIS

 

Guezos (en barallete -antiga fala dos afiadores ourensáns- rapaces, nenos, cativos) naceu en 1999 como proxecto de grupo musical tradicio nal. Pouco a pouco, o grupo comezou a evolucionar cara o folk, e no 2000 grava a maqueta "Guezos" (convertida posteriormente en ál bum), e dá os seus primeiros concertos. A formación inicial estaba composta por Arturo Fernández, Xabier Do mínguez "Morta", Pablo Rodríguez, Roberto Reboiro,Anxo Fernández e Carlos Rivera "Puntxa". Estes comezan a buscaren influencias novas en eidos musicais variados como o Rock ou o Pop, de onde xorde a incorporación dunha guitarra eléctrica ao grupo.

MINUTOS MUSICAIS

 

 

Coa “Canción do Magosto” do proxecto 13 Lúas imos acompañar a semana que imos celebrar o magosto,  a festa do outono na que nos xuntamos para recoller e comer castañas, cantar e divertirse. A letra desta canción describe situacións sinxelas e alegres relacionadas coas castañas, o monte e a convivencia entre amigos e familia.

MINUTOS MUSICAS

 

 Xel Prada é un cantautor galego que destaca pola súa sensibilidade musical e polo uso da lingua galega nas súas cancións. No seu tema “Primeiro escoitar”, Xel Prada transmite unha mensaxe clara: antes de falar ou xulgar, é importante escoitar ás persoas e comprender o que senten.

A canción invita á reflexión sobre a importancia da empatía, do diálogo e do respecto nas relacións humanas. Cun estilo íntimo e emotivo, Xel Prada utiliza a música para lembrar que escoitar é o primeiro paso para entender aos demais e convivir mellor.

SAMAÍN 2025

 Un ano mais celebramos a nosa festa tradicional “O Samaín” ao longo da mañan do día 30    de outubro, pero xa durante a semana estivemos decorando as portas monstrosas, calacús  en familia, o recuncho das lecturas de medo e a decoración do corredor e entrada da ANPA. O día 30 tivemos a Santa  Compaña polos corredores do centro, a merenda terrorífica, os obradoiros Samaín e os premios para a mellor porta monstrosa e calacú. 

O     PASEO POLO CORREDOR DO ALUMNADO DE SEXTO COMO “A SANTA COMPAÑA”

· 

         CALACÚS SAMAÍN, AS PORTAS MONSTROSAS REALIZADAS POR CADA AULA E              MONSTRUÍÑOS PARA AS PAREDES DOS CORREDORES.