BIBLIOMONTEMOGOS

25 de nov. de 2013

25 de novembro día internacional contra a violencia de xénero.

Hoxe na biblioteca lemos o conto de "Arturo e Clementina". O mellor recurso para erradicar a violencia é a educación.

O colexio participou o concurso do CIM. Óscar Gómez Brión de 6º
de E.P. obtivo unha mención especial.

Traballos presentados

DON PEDRO O PROFESOR.

O pasado venres, 22 de novembro xubilouse DON PEDRO profesor no colexio de Beluso durante 40 anos.
A comunidade educativa agradeceulle a sua labor de tantos anos dándolle o seu nome ao salón de actos do centro.Foi un acto moi emotivo onde os alumnos e os compañeiros lle amosaron o seu cariño e lle desexaron os mellores desexos para o futuro.Esperamos que non nos esqueza e nos visite a miúdo
MOITAS GRAZAS PROFE POLA TÚA DEDICACIÓN.

22 de nov. de 2013

QUE FACER ESTE FIN DE SEMANA?

EXPOSICIÓN

Fauna na obra de Ruibal

Lugar: Centro Cultural Novacaixagalicia - Vigo

Data: do 4 de Outubro ao 23 de Novembro de 2013

Horario: De luns a venres de 17:30 a 20:30 h. Sábados de 11:00 a 14:00 e de 17:30 a 20:30 h

A exposición reune máis de cincuenta obras do artista pontevedrés,tamén podemos contemplar as súas esculturas.

CONCERTO

Concerto de Santa Icia

Lugar: Pazo da Cultura - Pontevedra

Data: 23 de Novembro de 2013

Horario: 20:00

Concerto de Santa Icia a cargo da Banda de Música de Salcedo.

Gratuito

TEATRO

Mario - Os sábados, conto - Actividades para Rapaces

Lugar: Biblioteca Pública Juan Compañel - Vigo

Data:23 de Novembro de 2013

Horario: 12:00

Matapiollos. Mario é un rapaz que sempre está aburrido pero, un bo día, atopa algo que esperta a súa curiosidade...

Gratuito

21 de nov. de 2013

"É DÍFICIL IMAXINAR UN MUNDO SEN EDUCACIÓN" (Malala Yousafzai)

20 Novembro: Día Mundial dos Dereitos dos Nenos e das Nenas:

Mesa-exposición de libros relacionados co tema.
Investigamos a MALALA YOUSAFZAI.
Lectura e proxección dos libros:

"OS NOSOS DEREITOS" (Maria Joao Carvalho) para Educación Infantil e 1º Ciclo de Primaria.
"LA ESCUELA SECRETA DE NASREEN"(Jeanette Winter) para 2º e 3º ciclos. Presentación e lectura feita polo alumnado de 6º de Primaria.

19 de nov. de 2013

ELENA PONIATOWSKA, PREMIO CERVANTES 2013

O Premio Cervantes 2013 concedeuselle a Elena Poniatowska , autora de máis de 40 libros, é unha das máis destacadas periodistas e escritoras mexicanas, moi vinculada con temas sociais.
Naceu en París no 1932, ten o título de princesa por ser tataraneta do último rei de Polonia. Con 10 anos a familia estableceuse en México, nacionalizouse no 1969. Di que é "máis mexicana que o mole".

Só catro mulleres recibiron este galardón nos seus 38 anos de historia: as españolas María Zambrano (1988) e Ana María Matute (2010) e a cubana Dulce María Loynaz (1992). Este Cervantes con nome de muller coincide co Nobel 2013 a Alice Munro.
Entre os galardóns de Poniatowska están: Rómulo Gallegos no 2007 por "El tren pasa primero", o Biblioteca Breve no 2011 por "Leonora", o Alfaguara de novela no 2001 con "La piel del cielo".

"As mulleres son as grandes olvidadas da historia. Os libros son a mellor forma de rendirlles homenaxe"

18 de nov. de 2013

DORIS LESSING

Doris Lessing, gañadora do premio Príncipe de Asturias no ano 2001 e do Nobel no 2007, autora de máis de medio cento de libros foi narradora, poetisa, ensaista e intelectual comprometida coa vida e a literatura.

Lessing (nacida no 1919 en Irán) finou hoxe aos 94 anos.
A súa obra máis coñecida é "El cuaderno dorado" (1962), obra cume da literatura feminista.