GUÍAS DE LECTURA PARA O NADAL!

Como ven sendo costume por estas datas, en colaboración coa coordinadora de Equipos de Dinamización Lingüística do Morrazo, publicamos as guías de lecturas para o Nadal. Este ano cunha  fermosísima ilustración de Leandro Lamas.
                                   Aquí vos deixamos as recomendacións :

E LEMBRADE, LENDO: CONTAS,CANTAS...VIVES!!!

CULTURGAL!!

Culturgal, Feria das Industrias Culturais celébrase dos días 2 ao 4 de decembro no Pazo da Cultura de Pontevedra chegando a súa novena edición. Nesta nova cita do sector cultural galego e nas portas dos dez anos da feira, o  lema é:"Cultura, comunidade, futuro".Nesta Feira os nenos e nenas son grandes protagonistas.Música, teatro, danza, libros e ciencia ao longo destes tres días, onde haberá tamén un espazo permanente para xogos e xoguetes tradicionais e unha bebeteca. Animádevos!!!

preme na imaxe para ver o programa

UN CALENDARIO DCINE!!

A piques de sair o calendario que todos os anos  elaboramos no colexio, a partires do proxecto que se está a desenvolver, xa temos na entrada os fotogramas que o ilustrarán.
Un traballo colaborativo no que participa todo o alumnado  a iniciativa do Equipo de Dinamización da Lingua e o Equipo de Biblioteca.
Este ano o fío conductor é "Da literatura ao cine". De ahí que as ilustracións sexan  de películas realizadas a partir dunha obra literaria :"O principiño", "Mary Poppins","O bosque animado","O mago de Oz", "O libro da selva"," Cincenta", "O gato con botas","Carapuchiña vermella","A illa do tesouro", "O soldadiño de chumbo","A lingua das bolboretas" e "Charlie e a fábrica de chocolate" foron os escollidos.

Mirade que bonitos nos quedaron:

ENTREGA DE PREMIOS DO CONCURSO "Adiviña a película"

Rematamos o mes de novembro facendo entrega dun pequeno agasallo a todas e todos os gañadores do concurso "Adiviña a película".

MOITAS GRACIAS POR PARTICIPAR !!!

PARABÉNS AOS GAÑADORES!!!

25 N:Día da NON violencia contra as mulleres

O venres, 25 de novembro: DÍA INTERNACIONAL DA NON VIOLENCIA CONTRA AS MULLERES, este ano o noso colexio é o responsable de realizar os actos conmemorativos promovidos polo Centro de Información ás Mulleres (CIM) de Bueu.
Porque a violencia de xénero continúa a ser unha lacra na nosa sociedade, desde o colexio invitámosvos a participar xunto a nós.

VENRES 25 DE NOVEMBRO: O alumnado de 4º,5º e 6º de primaria foi o escollido para achegarse ata Bueu e representar ao colexio.
Os que nos quedamos  vimos os videos que se fixeron para conmemorar esta data na biblioteca.
Desde aquí queremos compartilos con todos e todas!!!
 
O TEMPO DAS BOLBORETAS

25 nov

NOVEMBRO,MES DA CIENCIA!!

Neste mes o colexio e a biblioteca énchese de "ciencia".
Hoxe os nenos e nas de Infantil , 1º e 2º de primaria achegáronse á biblioteca para ver e escoitar un traballo colaborativo realizado polo alumnado de 6º de Infantil e 4º de primaria sobre Ángeles Alvariño baseado no libro que temos na biblioteca da Editorial Lela.

 

 O alumnado de 3º,4º ,5º e 6º de primaria poideron ver o traballo o luns, na Hora de Ler!

                    MOITAS GRACIAS POR COMPARTIR!!!

ADIVIÑA A PELÍCULA!!

Rematamos o concurso "Adiviña a película" con unha última fase para o alumnado de Educación Infantil. Terán que acertar a que película corresponden os tres fotogramas que están expostos na entrada do colexio. Hai de plazo ata o martes 22 de novembro.
 Ao finalizar todos os gañadores e gañadoras recibirán un pequeno agasallo .Con que nos sorprenderá Belusiña?

                               MOITA SORTE!!!