AUDICIÓN MUSICAL

  Esta semana coñecemos a  DAVID REES, este cantante comezou facendo cancións doutros artistas e  publicalas na plataforma YouTube, tamén ten varias cancións propias.

  Escoitamos a canción "DE ELLOS APRENDÍ", que escribiu  con frases de películas  da súa infancia.

      GOZADE COA MÚSICA!!!

 

AS FAMILIAS CONTAN 12

Hoxe, 27 de maio, Loly, Aixa e Elba (as súas dúas fillas) dramatizaron un conto titulado 
EL ABEJOSO escrito por Nadia Shireen, editado con Bruño.
Todos e todas sabedes que é unha abella e que é un oso, pero que é un "abejoso" seguro que non. Foi moi divertido e gozamos da actuación destas tres actrices que nos falaron da importancia das abellas e da amizade.
Ata probamos mel.

MOITÍSIMAS GRAZAS POR COMPARTIR  ESTE TEMPO CON NÓS!!!

FIADEIRO 2019

Fiadeiro Letras Galegas 2019 from ceipmontemogos

XOGO E CONVIVO 2019

Hoxe, no campo de fútbol de Bueu, tivo lugar a parte deportiva e inclusiva da XXXII Semana Cultural.
Xogaron e conviviron o alumnado de 6º de Primaria dos colexios CEIP PLURILINGÜE A PEDRA, CEIP PLURILINGÜE A TORRE-CELA, CPR PLURILINGÜE VIRXE MILAGROSA e CEIP PLURILINGÜE MONTEMOGOS.

Foi unha fermosa e divertida xornada con xogos participativos!!!

 

AS LENDAS DE ANTONIO FRAGUAS

Hoxe estivo con nós, PEDRO BRANDARIZ, que vestido de antropólogo,  presentounos unha animación sobre a biografía de Antonio Fraguas Fraguas e tamén  contos, refráns, ditos, costumes que recolleu Fraguas por todos os recunchos de Galicia.

Disfrutamos moito coas historias de rapozos e cos ditos populares, por exemplo:
"Señora María,    
 señor Manuel 
castañas asadas   
e viño con mel"

 MOITAS GRAZAS POR PARTICIPAR NA SEMANA CULTURAL!

ENCONTRO INTERXENERACIONAL

Esta mañán recibimos a grata visita das MULLERES que participan no Taller de Memoria do Concello. Desta volta estivemos conversando sobre os oficios e traballos das mulleres hai uns cantos anos: casa, campo, fábrica, cociñeiras, vendedora na praza, camioneiras, costureiras, percebeiras...
Moitas grazas  a estas mulleres únicas, loitadoras, valentes ...  por compartir con nós eses recordos.

 ESPERAMOS, CON ILUSIÓN,  A VOSA PRÓXIMA VISITA!

É UN VERDADEIRO PRACER!

NOVOS VENTOS

Había unha vez un cole donde parte  do seu alumnado formaba un grupo de gaitas e baile moi moi importante. Percorreron Europa representando a Galicia, participaron no festival de Lorient, en Francia... pero os nenos e nenas foron medrando e  desapareceu. Moitos deles forman parte doutras bandas, por exemplo, Manxadoira, incluso Antón Davila, forma parte de grupos como Aran , Beladona, Celtas Cortos e compón bandas sonoras para películas e documentais...
E de seguro que a todos e a todas quedoulle ese amor especial pola música.

PERO... hai un grupo de persoas que están intentando recuperar o grupo. Hoxe estiveron con nós Eduardo, o profe,   IRIS, exalumna, e NEVES, alumna animándonos a formar parte deste novo proxecto.
Bailaron para nós unha muiñeira, cantaron, explicáronnos a roupa.
Foi unha charla moi animada... Moitas grazas

MOITAS GRAZAS POR PARTICIPAR NA SEMANA CULTURAL NO  ANO ADICADO A ANTONIO FRAGUAS!!
ANÍMATE A ASISTIR ÁS CLASES!