Ola a todos e todas!
Retomamos as audicións musicais semanais que se escoitarán todas as mañáns ao entrar no colexio.
Este ano 2020 é o "Ano de Beethoven" con motivo do 250 aniversario do nacemento deste xenial compositor!
É por eso que ao longo deste trimestre iremos escoitando, maioritariamente, obras de Beethoven.
Comezamos esta semana cunha das máis coñecidas, trátase da 5ª sinfonía escrita entre 1804 e 1808.
DISFRUTADE COA MÚSICA DE BEETHOVEN!!!
Morreu QUINO (pseudónimo de Joaquín Lavado) debuxante creador de MAFALDA.
Mafalda é a nena protagonista dunhas historietas publicadas entre 1964 e 1973 que sempre estiveron de actualidade grazas ao seu gran sentido do humor.
En 2014, cando Mafalda cumpriu 50 anos, Quino recibiu o Premio Príncipe de Asturias.
Frases de Quino:
"Elixin debuxar porque falar cústame bastante".
"A protagonista é de sexo feminino por influencia do movemento de liberación das mulleres dos anos sesenta".
A LINGUA DE SIGNOS É PARA TODOS!
A lingua de signos é unha linguaxe natural. Hoxe celebramos o DÍA INTERNACIONAL DA LINGUA DE SIGNOS proclamado pola ONU:
COA LINGUA DE SIGNOS, TODOS ESTAMOS INCLUÍDOS!
Inténtao con esta canción de Gaudi Galego titulada "Chea de vida":
Conto ANIMAIS en LSE (Grazas o CEIP Quiroga Palacios) da Editorial Kalandraka que está na nosa biblioteca:
A situación actual co uso de máscaras, supón unha dificultade para as persoas xordas que non poden ler os nosos labios cando falamos e así é difícil a comunicación.
Apúntate ao reto de aprender algunha palabra ou frase na lingua de signos!
Agora mesmo é moi necesario porque non podemos dar unha aperta...
Un reto... Como se dirá APERTAS, BO DÍA, OLA en lingua de signos?
Clica no blog de Orientación e poderás ver un fermoso VÍDEO-SORPRESA realizado no noso centro. Coñeces a alguén? Que alegría verse todos e todas durante a Hora de Ler!
http://montemogosorienta.blogspot.com/
Este martes 22 de setembro ás 15,31 horas (hora peninsular) dará comezo o outono.
Qué fermosa está a Natureza nesta nova estación! Dá un paseo polo bosque e goza coas súas cores!
Hoxe terá lugar o equinoccio de outono, o día e a noite terá a mesma duración, 12 horas. Averigua o significado da palabra equinoccio e repítea varias veces... é fermosa, verdade?
Visita o blog do alumnado e segue ao Club do Cambio Climático! https://montemogos.blogspot.com/
As escritoras María Solar, Ledicia Costas e Fran Alonso escribiron un conto colaborativo audiovisual titulado CONTAXIO sobre a pandemia, para UNICEF. Está ilustrado por Leandro Lamas.
Está promovido pola actriz e presentadora Lucía Regueiro, Amiga do Comité Galicia de Unicef. Participan actores e actrices galegas: Xúlio Abonjo, Miguel Canalejo, Monti Castiñeiras, Isabel Naveira, Federico Pérez, Lucía Regueiro, Beatriz Serén y María Vázquez.
CONTAXIO é unha viaxe polo dicionario...
BENVIDAS E BENVIDOS AO NOVO CURSO ESCOLAR 2020/2021!
Que ganas de estar todas e todos xuntos de novo!
Poder rir, xogar, contar as aventuras deste atípico verán... O que vivimos e o que sentimos desde marzo!
ESTAMOS XUNTOS para conseguir os nosos obxectivos! WE ARE TOGETHER!
NON PERDAS DE VISTA O VERDADEIRAMENTE IMPORTANTE!
