Estamos xa de volta, despois das vacacións de Nadal, con moito ánimo e alegría e, como non , coas nosas audicións semanais.
Comenzamos cun clásico xa destas datas, a "Marcha Radetzky" do compositor Johan Strauss pai.
Na actualidade é moi coñecida porque todos os 1 de xaneiro a Orquestra Filarmónica de Viena remata o seu concerto de Aninovo con esta obra. Durante a súa interpretación a audiencia aplaude ao compás e o director xírase ao público no canto de facelo coa orquestra.
FELIZ SEMANA!!!
Estades preparados para esta noite máxica?
Oxalá se fagan realidade os vosos soños.
O concello de Bueu acaba de editar un calendario cun total de quince láminas do artista local e exalumno do noso centro Josuha Xanbreo para poñer en valor o patrimonio do noso pobo.
Destaca efemérides relacionadas con datas relevantes tanto de mulleres e homes da historia de Bueu, como outras de nivel galego e mundial que fan fincapé en valores como o respecto polo medio ambiente, a igualdade, a cultura, o deporte...
Podes descargalo de balde na páxina do Concello. (Preme na ligazón)
A nosa benquerida escritora e exalumna MÍRIAM FERRADÁNS acaba de gañar o XVIII Premio Afundación de Xornalismo Fernández del Riego polo seu artigo DALIAS publicado en Nós Diario. Para a súa lectura preme no título.
Un artigo onde nos descubre un costume da xente da illa que cada 31 de outubro sae de Bueu en barco con flores para poñer no cemiterio de Ons.
"... Cando era nena pensaba que as illas eran flotantes e que estaban ancoradas á terra por cordas xigantes polo de evitar que fuxisen mar adentro...
Que sorte ter unha Illa ancorada á terra!"
Dalias, flores:
Todas as persoas do CEIP PLURILINGÜE MONTEMOGOS
desexámosvos un Bo Nadal e un ano novo cheo de éxitos e felicidade!
A audición desta semana na que todos e todas estamos ansiosos pola chegada das vacacións e do Nadal, escoitaremos a panxoliña "FESTEXANDO O NADAL".
