DÍA DA MULLER E A NENA NA CIENCIA!

O 15 de decembro de 2015 a Asemblea Xeral das Nacións Unidas proclamou o 11 de febreiro de cada ano como o Día Internacional da Muller e a Nena na Ciencia co obxectivo de lograr o acceso e a participación plena e equitativa na ciencia para as mulleres e as nenas, a igualdade de xénero e o empoderamento das mulleres e as nenas. 

A ciencia e a igualdade de xénero son vitais para alcanzar os Obxectivos de Desenvolvemento Sostible (ODS) incluídos na Axenda 2030.

Dúas voluntarias de 6º, durante a Hora de Ler, expuxeron as investigacións realizadas por Christina Koch e Maitane Alonso.

 Estes días tivemos expostos materiais sobre este tema:

"OS ANIMAIS DO PLANETA"

O alumnado de 3º de Primaria fixo unha gran presentación dos ANIMAIS DO PLANETA. 

Explicaron a súa clasificación, a reproducción, a alimentación e observamos in situ o esqueleto dun can! 
Máis información no blog de Primaria

PARABÉNS FOI UNHA PRESENTACIÓN MAGNÍFICA!

PREMIO MATILDE BARES

A autora pontevedresa Eva Mejuto é a gañadora do XI Certame de Relatos de Muller Matilde Bares, convocado polo Concello de Bueu, por unha obra titulada "Matilde",  escrita cunha "gran sensibilidade" e que enxalza a vida e obra de Matilde Bares ao tempo que describe a vila de Bueu e a súa realidade nos anos trinta.

O premio rende unha homenaxe a Matilde Bares, mestra e organizadora de actividades culturais e  teatrais en Bueu.

Eva Mejuto conta cunha ampla traxectoria, tanto por ter formado parte de proxectos editoriais como pola publicación de historias para público infantil e xuvenil. Por exemplo na súa novela 22 segundos,  aborda o tema da transexualidade ou en  Memoria do silencio,  a historia das irmás Touza de Ribadavia. Tamén é coordinadora do Salón Internacional do Libro Infantil e Xuvenil de Pontevedra.

FEBREIRO, MES DE ROSALÍA

 A Asociación de Escritoras e Escritores en Lingua Galega (AELG) conmemora un ano máis o Día de Rosalía de Castro, neste mes de Febreiro, concretamente o día 24 fixado no Calendario do Libro e da Lectura como aniversario do nacemento da autora.

 É por iso que esta semana entraremos no cole ao son da canción ROSALÍA PEQUENIÑA de Uxía Xenlle. 

                                                    Animádevos a ler a súa obra!!!

"TODOS MENOS UNO"

Ola, somos Eva (6º E.P.) e Yanira (5º E.P) e onte fómoslles contar un conto aos nenos e nenas de E. Infantil.
Sabedes por que fomos nós? Porque ás dúas nos encanta ler e contar contos. Onte tocou "TODOS MENOS UNO"e aos convidados encantoulles, sobre todo cando entenderon a mensaxe que transmitía o libro... TODOS  SOMOS ÚNICOS!!!

Un saúdo agarimoso para as seguidoras e seguidores deste blog.
Asinado: Eva e Yanira.

PREGUNTA

Le a noticia publicada no blog e responde:
Como se chama a investigadora  que pasou máis tempo na Estación Espacial?

CHRISTINA KOCH: INVESTIGADORA

A astronauta estadounidense Christina Koch regresou á Terra despois dunha misión de 328 días na Estación Espacial Internacional (EEI) que a converteu na muller que realizou o voo espacial máis longo. Christina Koch e Jessica Meir realizaron o primeiro paseo espacial só de mulleres.

Actualmente a NASA ten en activo a 48 astronautas, dos que 16 son mulleres. 

 

Nestes 328 días, Koch participou en diversas investigacións realizadas na estación espacial, como un estudo da forza vertebral no espazo, que busca definir o impacto que teñen os voos espaciais na degradación muscular e ósea da espiña dorsal e o risco de ruptura dos ósos. De todos os experimentos dos que esta astronauta formou parte, destaca o que desenvolveu sobre os cristais en microgravidade, que consiste na cristalización da membrana dunha proteína ligada ao crecemento de tumores e a supervivencia ao cancro.

 "Que é o que máis botarei de menos? Tanto a exquisita beleza do planeta Terra, como desta marabilla que foi creada por persoas incribles", tuiteou.

Podes ler a noticia completa en: https://elpais.com/elpais/2020/02/06/ciencia/1581014607_267825.html